🔆કવિ હરદ્વાર ગોસ્વામીને પારસચંદ્રક🔆

🥀 🥀

કવિ હરદ્વાર ગોસ્વામીને સાહિત્યસેવા બદલ પારસ ફાઉન્ડેશન તરફથી ગુજરાતના રાજ્યપાલશ્રીના હસ્તે ‘પારસ ચંદ્રક’ (3.6.2026)

‘કાવ્યવિશ્વ’ તરફથી કવિને અનેકાનેક અભિનંદન.

 અમથા અમથા રાતે ફરતા, એક દીવો પ્રગટાવી દે ને.
અંધારાને કોસ્યા કરતા, એક દીવો પ્રગટાવી દે ને.

દરિયાના આ દસ્તાવેજો, તારા નામે તૈયાર જ છે,
મધદરિયામાં તરતા તરતા, એક દીવો પ્રગટાવી દે ને.

નવી પેઢીને નામે થોડું અજવાળું તો પાથરતો જા,
છેલ્લા શ્વાસે મરતા મરતા, એક દીવો પ્રગટાવી દે ને.

મંદિરમાં તો ઝળાહળાંનાં ઝુમ્મર, ઉપર સૂરજ ચમકે,
એક ઝૂંપડા બાજુ સરતા, એક દીવો પ્રગટાવી દે ને.

શ્વાસોમાં સૂતેલી સાંજો ફરી જૂઈને મળવા દોડે,
એક અજાણ્યું જણ સાંભરતા, એક દીવો પ્રગટાવી દે ને

~ હરદ્વાર ગોસ્વામી

🥀વિશેષ : મીનાક્ષી પંડિત, અર્ચના પટેલ, સંજય પંડ્યા, ત્રિલોક મહેતા, Willim Butler Yeats🥀

🙏આપને ગઝલ, ગીત, અછાંદસ વગેરે કાવ્યસ્વરૂપો વિશે જાણવામાં રસ છે? જુઓ વિભાગ ‘સ્વરૂપ’. મોબાઇલના ઉપરના જમણે ખૂણે આવેલી આડી ત્રણ લાઇન ટચ કરો અને ખુલશે વિભાગો. 🙏 

🙏આપની પસંદના કવિ કોણ છે? ‘Search’માં એમનું નામ લખો! અને વાંચો એમની કવિતાઓ. એમાં આપ પોતે પણ હોઈ શકો.🙏

અનુભવની આંખે