🔆હર્ષવી પટેલ ~ એટલે આંખોમાં🔆

એટલે આંખોમાં સહેજે ભેજ નહિ
સાંભરે એવું કશુંયે છે જ નહિ

સ્વપ્ન! તારી આંગળી ઝાલી છે મેં
જો, હવે વચ્ચે કદમ અટકે જ નહિ

આવશે, એ આવશે, આવી જશે..
થાય, પણ સારો સમય આવે જ નહિ

એટલે આપણને ફાવી જિંદગી
છે ઘણુંયે, સુખ અને દુઃખ બે જ નહિ

કામ ઈશ્વર એક પણ કરતો નથી
પણ મને સોંપ્યા વગર ચાલે જ નહિ

~ હર્ષવી પટેલ

ગઝલમાં એક જુદા અવાજની કવયિત્રી એટલે હર્ષવી પટેલ.

પીડાની વાત છે પણ રજૂઆત જુઓ,

‘એટલે આંખોમાં સહેજે ભેજ નહિ, સાંભરે એવું કશુંયે છે જ નહિ’

તો ‘એટલે આપણને ફાવી જિંદગી, છે ઘણુંયે, સુખ અને દુઃખ બે જ નહિ’

હવે જીવનમાં સુખ ન હોય, દુખ પણ ન હોય (અલબત્ત એવું બની ન શકે. સુખ હોય કે ન હોય, દુખ તો અવશ્ય હોવાનું!) પણ અહીં કવિને વાત કરવી છે, નિરાશાની, પીડાની. જીવન કેવું શુષ્ક અને નીરસ બની ગયું છે એની! તો એ કહેવાનો અંદાજ કેવો અનોખો !

એવું જ છેલ્લા શેરનું ! વાહ !  

🥀વિશેષ : જયશ્રી ભક્ત, પુષ્પા મહેતા🥀

🙏આપને ગઝલ, ગીત, અછાંદસ વગેરે કાવ્યસ્વરૂપો વિશે જાણવામાં રસ છે? જુઓ વિભાગ ‘સ્વરૂપ’. મોબાઇલના ઉપરના જમણે ખૂણે આવેલી આડી ત્રણ લાઇન ટચ કરો અને ખુલશે વિભાગો. 🙏 

🙏આપની પસંદના કવિ કોણ છે? ‘Search’માં એમનું નામ લખો! અને વાંચો એમની કવિતાઓ. એમાં આપ પોતે પણ હોઈ શકો.🙏

અનુભવની આંખે