🔆કવિ અનિલ ચાવડાને પારસચંદ્રક🔆

🥀🥀

કવિ અનિલ ચાવડાને પારસ ફાઉન્ડેશન તરફથી ગુજરાત રાજ્યના રાજયપાલશ્રીના હસ્તે ‘પારસચંદ્રક’ (3.6.2026)

‘કાવ્યવિશ્વ’ તરફથી કવિને અનેકાનેક અભિનંદન, વંદન.

**

બધી ઝંખના ક્યાંથી પૂરી કરી જઉં?
સિતારો તો છું નહિ કે નભથી ખરી જઉં!

હવે મારી પાસે આ અંતિમ તક છે,
હવે હું મરણિયો ન થઉં તો મરી જઉં!

અનુભવ વિતેલા જીવનના છે એવા,
મળે કોઈ જો પ્રેમથી તો ડરી જઉં!

તમે ઢાંકણીના જે પાણીનું કહો છો,
હું એમાં જો ડૂબી શકું તો તરી જઉં!

ઘણાં વર્ષે એ ચ્હેરો જોવા મળ્યો છે,
ફરી જઉં હું એના તરફ કે ફરી જઉં?

~ અનિલ ચાવડા

આ કવિની ખાસિયત એ છે કે એમની રચના બોલચાલની શૈલીમાં, સહજ લાગે એવી હોય છે. ગઝલમાં અનેક શેર એવા મળે કે ભાવકને પોતાની જ વાત લાગે.

જીવનમાં બધી ઝંખના પૂરી થતી નથી એ સર્વનું સત્ય, જીવનનું સત્ય. ત્રીજો શેર અનેક પ્રેમીને પોતાનો લાગશે.

‘ઢાંકણીમાં પાણી લઈને ડૂબી મરવું’ આ રૂઢિપ્રયોગનો અસરકારક ઉપયોગ. તો છેલ્લા શેરમાં ‘ફરી જઉં’ની દ્વિરુક્તિથી મજાની ચમત્કૃતિ સધાય છે.  

🥀દિન વિશેષ : ઊજમશી પરમાર🥀

🙏આપને ગઝલ, ગીત, અછાંદસ વગેરે કાવ્યસ્વરૂપો વિશે જાણવામાં રસ છે? જુઓ વિભાગ ‘સ્વરૂપ’. મોબાઇલના ઉપરના જમણે ખૂણે આવેલી આડી ત્રણ લાઇન ટચ કરો અને ખુલશે વિભાગો. 🙏 

🙏આપની પસંદના કવિ કોણ છે? ‘Search’માં એમનું નામ લખો! અને વાંચો એમની કવિતાઓ. એમાં આપ પોતે પણ હોઈ શકો.🙏