🔆મણિલાલ હ. પટેલ ~ સૈ હું તો 🔆

સૈ હું તો વગડામાં વહી જતી કેડી….
રૂપ મારું વાયરાની લ્હેરખી : હોય જાણે વાંસળીએ કોક ધૂન છેડી
સૈ હું તો આઘા મલકની કેડી…

મારગ મેલીને હું તો ફંટાતી ચાલતી
સીમાડે સીમાડે મસ્તીમાં મ્હાલતી
ડુંગરની કેડ્યે વીંટળાઉ અને ઘાટીલી ટેકરીઓ લ્યે મને તેડી
સૈ હું તો હૈયાં બ્હેલાવતી કેડી…

કેટલાંય ગામોનાં પાદર બોલાવતાં
સુંવાળા રસ્તાઓ શમણામાં આવતા
જાય મારી બલ્લા! જ્યાં પથ્થરમાં કોરેલાં હોય બધાં માઢ અને મેડી
સૈ હું તો ભવભવની કેડી…

~ મણિલાલ હ. પટેલ

‘ડુંગરની કેડ્યે વીંટળાઉ અને ઘાટીલી ટેકરીઓ લ્યે મને તેડી’

કેડીમાં કેવું દૃશ્યાત્મક સજીવારોપણ થયું છે ! આંખ સામે ટેકરીને વીંટળાયેલી કેડીનું દૃશ્ય ખડું થાય ! અને નાયક જેમાં રસબસ થઈ જાય છે એવી આ કેડી વહાલી બનીને ભાવકને પણ વળગે!

🥀વિશેષ : યામિની વ્યાસ, રમેશ શાહ, સલીમ શેખ ‘સાલસ’🥀

🙏આપને ગઝલ, ગીત, અછાંદસ વગેરે કાવ્યસ્વરૂપો વિશે જાણવામાં રસ છે? જુઓ વિભાગ ‘સ્વરૂપ’. મોબાઇલના ઉપરના જમણે ખૂણે આવેલી આડી ત્રણ લાઇન ટચ કરો અને ખુલશે વિભાગો. 🙏 

🙏આપની પસંદના કવિ કોણ છે? ‘Search’માં એમનું નામ લખો! અને વાંચો એમની કવિતાઓ. એમાં આપ પોતે પણ હોઈ શકો.🙏

યસ મમા