🔆વારિજ લુહાર ~  રાત આખી🔆

રાત આખી રમે તોય થાકે નહીં,
રાસ છે કે રમત કાંઈ ભાખે નહીં.

રામને પણ પછી પ્રશ્ન થાતો હશે!
બોર જેવાં જ કાં બોર લાગે નહીં?

મૃગ હોતું હશે સ્વર્ણનું કોઈ દિ’
સ્હેજ તો સ્હેજ; શંકાય જાગે નહીં?

સાવ લીલાં હજી પાંદડાંઓ છતાં,
વૃક્ષ જેવું જ કાં વૃક્ષ લાગે નહીં.

ક્યાંક ઈશ્વર હશે એમ ધાર્યા કરે,
ક્યાંક માણસ હશે એમ માને નહીં.

~ વારિજ લુહાર

માનવ મન ! જે દેખાય એમાં શંકા કુશંકા કર્યા જ કરે. આવા મનની નિર્ણય પર આવવાની શક્તિ ઓછી.

આમ તો દરેક શેર લગભગ જુદી જુદી વાત લઈને આવે છે પણ એને સાંધતું સૂત્ર આવું કૈંક પકડી શકાય. ખાસ કરીને છેલ્લો  શેર જુઓ. જે કદી દેખાતો નથી એ હશે, ઈશ્વર હશે એમ એ માને પણ માણસમાં એને માણસપણું દેખાય નહીં. બની શકે કે એના જીવન અનુભવનો આ નિચોડ હોય ! પણ સચ્ચાઈ એ છે કે સારા માનવોની આં દુનિયામાં ખોટ નથી જ. થોડાક નઠારાઓને કારણે માનવજાત વગોવાય છે પરંતુ પરિસ્થિતી એનાથી ઊલટી છે. સચ્ચાઈ અને પ્રમાણિકતાની સુગંધથી જ સમાજ મહેકે છે અને જીવી રહ્યો છે.  

**

🌸દિનવિશેષ : નાથાલાલ દવે🌸

🙏આપને ગઝલ, ગીત, અછાંદસ વગેરે કાવ્યસ્વરૂપો વિશે જાણવામાં રસ છે? જુઓ વિભાગ ‘સ્વરૂપ’. મોબાઇલના ઉપરના જમણે ખૂણે આવેલી આડી ત્રણ લાઇન ટચ કરો અને ખુલશે વિભાગો. 🙏 

🙏આપની પસંદના કવિ કોણ છે? ‘Search’માં એમનું નામ લખો! અને વાંચો એમની કવિતાઓ. એમાં આપ પોતે પણ હોઈ શકો.🙏

એક હતી પિંકી