🔆પારુલ બારોટ ~ એક કબૂતર🔆 -

*એક કબૂતર*

એક કબૂતર મેના સાથે, ખો ખો ખો ખો રમતું તું,
રમતાં રમતાં પગ લપસ્યો, હીબકે હીબકે રડતું તું.
એક કબૂતર મેના સાથે…

પોપટ, ચકલી, કાબર દોડી આવી એને પંપાળે,
કૂકડો પાંખ ફેલાવે તો જોઈ એને ડરતું તું
એક કબૂતર મેના સાથે…

ઝીણાં પગલે દોડી આવી, કીડીબાઈની સવ્વારી,
હળવે હાથે ઊઠે તોયે, ધડામ દઈને પડતું ‘ તું
એક કબૂતર મેના સાથે….

ચીકી લાવી આપે ચકલી, કાગો પાણી પાતો ‘તો
તો પણ બેઠું પકડીને પગ, હળવે હળવે સરતું ‘તું
એક કબૂતર મેના સાથે…..
~ પારુલ બારોટ

બાળગીત મજાનું. કબૂતર, ચકલી, પોપટ, મેના, કાબર, કાગડો, કૂકડો … પંખીડાની ટોળી એકઠી થઈ છે, કબૂતરને મનાવવા. અંતે લડ્ડુ, જિયાંશ એને ખોળામાં લે ત્યારે કબૂતર ખુશ થઈ જાય છે. બાળકને બહુ ગમે અને ગાવું ગમે…

ગુજરાતી ધોરણ 2ના પાઠ્યપુસ્તકમાં માં આ ગીત સમાવવામાં આવ્યું છે એનો આનંદ અને અભિનંદન પારુલબેન…. લખતાં રહો….