🔆ધ્રુવ ભટ્ટ * ગાન – ભાવના પઢિયાર🔆

હે જી મારે નહીં રે વાણી ને નહીં મૂંજા ગીતડાં
સંતો મારે નહીં મારી ભાષા
કાનમાં પડી તે બોલી જોને બોલિયા રે
સંતો અમે પરબારા

તોયે મારા જણે રે જાગીને અમને ઓળખ્યાં
હેજી મેં તો નથી રે દીઠાં ને નથી એને જાણિયા
સંતો મેં તો ધોયા નહીં અંધારાં
એણે ક્યાંક અમને ભાળ્યાં તે ઝાલ્યા હાથમાં રે
અમને દીવાની જેમ બાળિયા

એમાં ક્યાંક ઝાંખા રે અંજવાળા
બાયું અમે ભાળિયાં
એવા મેં તો ઝીણાં રે અંજવાળા કાને સાંભળ્યા
ને નજરે દીઠાં નભનાં ગાણાં

એવા કૌતુકો અમને સાંપડ્યા
કે સંતો મારા શબ્દ ભૂલાણા
હવે મારે વાણી શું અને શું રે મુંજા ગીતડા
સંતો મારે નહીં મારી ભાષા

~ ધ્રુવ ભટ્ટ ((8.5.1947)

કવિને જન્મદિને વંદન.

સૌજન્ય : ધ્રુવગીત * કવિ ધ્રુવ ભટ્ટ * સ્વર ભાવના પઢિયાર

🥀દિન વિશેષ : માના વ્યાસ ‘સ્પંદના’, ઉર્વી વસાવડા, ધ્રુવ ભટ્ટ, દિલિપ ઘાસવાલા, દેવજી રામજી મોઢા ‘શિરીષ’🥀 

🙏આપની પસંદના કવિ કોણ છે? ‘Search’માં એમનું નામ લખો! અને વાંચો એમની કવિતાઓ! એમાં આપ પોતે પણ હોઈ શકો! 🙏

🙏 ‘કાવ્યવિશ્વ’માં આપ પ્રતિભાવ લખો તો આપનું નામ જરૂર લખો.🙏