🔆શ્યામલ મુનશી ~ એક હતી ગતિ🔆

એક હતી ગતિ, સમય એનો પતિ, એની બે સંતતિ,
એક હતી તાણ અને બીજી ભ્રષ્ટ મતિ.

એક હતી ગતિ.
આંખો મીંચી દોડતી રહે કોઈ લાલચ ને લોભે,
આજુ બાજુ જોવા ઘડી બે ઘડી ના થોભે.
અલ્પ અલ્પ કશું નહીં, બધું જ અતિ અતિ.

એક હતી ગતિ.
કોઈના ખભે હાથ ના મૂકે, કોઈને એ ના ભેટે,
ફિકર કદી કરે નહીં, કોણ ચડ્યું અડફેટે ?
એને કોઈ નિયમ નહિ ના કોઈ પદ્ધતિ.

એક હતી ગતિ.
બોલતી ઝડપ ઝડપ અને કરતી બધું હડપ,
જેટલું મળે તેટલું મારું, મનમાં એવી તડપ.
અંતે એના હાથમાં આવી જીવનની અવનતિ.
એક હતી ગતિ.

~ શ્યામલ મુનશી

@@

જીવનની ફિલોસોફી. દરેક માણસ દિવસમાં ઓછામાં ઓછું એક વાર તો બોલતો જ હશે, હે ભગવાન શાંતિ દે…. ક્યાંથી મળે? મન ઘડીકેય દોડતું બંધ થાય તો ને!

સીધું સાદું પણ જીવનનું ગણિત બરાબર સમજાવી દે એવું ગીત

🌸આજે જન્મદિન: હર્ષવી પટેલ, Robert Frost🌸

🙏 આપનો જન્મદિન (વિભાગ વિશેષ) પણ ‘કાવ્યવિશ્વ’માં સમાવિષ્ટ છે. આપનું નામ લખો, ‘search’ માં, પોસ્ટ હાજર!🙏

🙏’કાવ્યવિશ્વ’માં મનપસંદ કવિની કવિતા મળી શકે છે, કવિનું નામ લખો ‘search’ માં, પોસ્ટ હાજર! 🙏

પિહુ (લઘુકથા)