🔆મહેશ શાહ ‘શીતલ’ ~ ઘનશ્યામ ગયા🔆

ઘનશ્યામ ગયા, ઘનશ્યામની જેમ ગયા

એક વાંસનો લઈ ટુકડો વીંધી હોઠ લગાડી,
પ્રાણ પૂરીને વેણુ વાઈ કાચી ક્ષણમાં છોડી.
મુરલીના સૂર ગયા, સરગમની જેમ ગયા.

એક વાર દરકાર વિના જે મોર ગયો તરછોડી,
પિચ્છ લઈને પહેરી લીધું ઊંચે મુકુટ થકી.
ચિત્તચોર ગયા, ટહુકારની જેમ ગયા.

નહીં હરેલાં વસ્ત્ર વિનાની કદમ્બડાળી ઝૂરે,
બંદી જળ રહેતું ગાગરમાં ક્યાંય ચડે ના ઠેબે.
યમુના નીર વહ્યાં, યમુનાની જેમ વહ્યાં.

~ મહેશ શાહ ‘શીતલ’

કાવ્યસંગ્રહ ‘શરૂઆત’

**

🌸આજે જન્મદિન: ગાયત્રી ભટ્ટ, રંભાબહેન ગાંધી, પ્રદીપ રાવલ ‘સુમિરન’🌸

🙏 આપનો જન્મદિન (વિભાગ વિશેષ) પણ ‘કાવ્યવિશ્વ’માં સમાવિષ્ટ છે. આપનું નામ લખો, ‘search’ માં, પોસ્ટ હાજર!🙏

🙏’કાવ્યવિશ્વ’માં મનપસંદ કવિની કવિતા મળી શકે છે, કવિનું નામ લખો ‘search’ માં, પોસ્ટ હાજર! 🙏

નાનકડી રિયા