🔆દક્ષેશ ઠાકર ~ જરા જેટલી🔆 -

જરા જેટલી પણ બગાવત નથી હોં !
ખુદા સાથે મારે અદાવત નથી, હોં!

ભલેને કર્યો ના કદી ન્યાય એણે,
છતાં એના માટે શિકાયત નથી, હોં!

તમે કોઈનાં આંસુ લૂછી શકો તો,
કોઈ એના જેવી ઇબાદત નથી, હોં!

ગમે તેટલા ચાંદ નખરા કરે, પણ
નથી, તારા જેવી નજાકત નથી, હોં!

હતો એ સમય ને હતી કેવી દુનિયા!
હવે માણસોમાં શરાફત નથી, હોં!

~ ડૉ. દક્ષેશ ઠાકર

જરા હળવા મૂડમાં લખાયેલી ગઝલ…..

માણસ પોતાની વાત કહ્યા પછી એને પાક્કી કરવા માટે ‘હોં’નું વજન ઉમેરે……

અને બધા શેરમાં કહેવાયેલી વાત આપણા જીવાતા જીવનની જ છે ને !

🌸આજે જન્મદિન: ગાયત્રી ભટ્ટ, રંભાબહેન ગાંધી, પ્રદીપ રાવલ ‘સુમિરન’🌸

🙏 આપનો જન્મદિન (વિભાગ વિશેષ) પણ ‘કાવ્યવિશ્વ’માં સમાવિષ્ટ છે. આપનું નામ લખો, ‘search’ માં, પોસ્ટ હાજર!🙏

🙏’કાવ્યવિશ્વ’માં મનપસંદ કવિની કવિતા મળી શકે છે, કવિનું નામ લખો ‘search’ માં, પોસ્ટ હાજર! 🙏

રોતલ દેડકી

છબીલભાઈ ત્રિવેદી

27/04/2026 at 10:03 am

વાહ ખુબ હળવી શૈલી ની ગઝલ ખુબ ગમી અભિનંદન

'સાજ' મેવાડા

27/04/2026 at 12:19 pm

ગઝલ બોલચાલની ભાષામાં કહીએ તો મજા પડે, એવી જ આ ગઝલ સરળ શબ્દોમાં છે.

Kirtichandra Shah

27/04/2026 at 1:56 pm

Lovely

Kavyavishva

27/04/2026 at 4:00 pm

પ્રતિભાવ આપનાર મિત્રોનો ખૂબ ખૂબ આભાર.
‘કાવ્યવિશ્વ’ની મુલાકાત લેનાર મિત્રોનો પણ એટલો જ આભાર.
https://www.kavyavishva.com

🔆દક્ષેશ ઠાકર ~ જરા જેટલી🔆