🔆સુધીર દેસાઈ ~ આ નેણ * નિશા ઉપાધ્યાય🔆

આ નેણ નથી છે શ્રાવણ
શમણાં સાથે છણી ગયો એ કામણગારો ફાગણ
આ નેણ નથી છે શ્રાવણ….

સોનેરી સાજ સૌ સળગી ગયા એના ઝીણા નિશ્વાસની ફૂંકે
હૈયામાં હેત દીપે મોગરો, ધીમે ધીમે એ ઝબુકે
ઘડી ઊડીને પાછા પડતાં મૃતપર્ણો આ પ્રાંગણ
આ નેણ નથી છે શ્રાવણ….  

ડૂબે છે અંતરને ઓવારે આજ આશ, ધીમેથી રેત સરે સારી
રણમાં સમીર શાને લખતો ફરે છે આવી કથની રડાવે છે ભારી
ફરી ફરીથી ડસી રહી આજ, આજકાલની સાંપણ
આ નેણ નથી છે શ્રાવણ

~ સુધીર દેસાઈ

કવિ : સુધીર દેસાઈ * સ્વરકાર : રાસબિહારી દેસાઈ * સ્વર : નિશા ઉપાધ્યાય * સંગીત સંચાલન : પ્રહર વોરા

🌸આજે જન્મદિન: ભાવિન ગોપાણી, દ્વારકેશ વ્યાસ, હસમુખ અબોટી ‘ચંદન’🌸

🙏 આપનો જન્મદિન (વિભાગ વિશેષ) પણ ‘કાવ્યવિશ્વ’માં સમાવિષ્ટ છે. આપનું નામ લખો, ‘search’ માં, પોસ્ટ હાજર!🙏

🙏’કાવ્યવિશ્વ’માં મનપસંદ કવિની કવિતા મળી શકે છે, કવિનું નામ લખો ‘search’ માં, પોસ્ટ હાજર! 🙏