🔆લતા હિરાણી ~ ટહૂકા ને સન્નાટા🔆 -

🥀🥀

*ઢળતી વયે*

ટહૂકા ને સન્નાટા વચ્ચે, આપણ બેઉ સાથ છીએ રે !
તેજ અને છાયાની વચ્ચે, આપણ બેઉ સાથ છીએ રે !

યુગ ભલે ને આથમતો આ પળની આપણ જાત છીએ રે
જીવતર ને ઝળહળની વચ્ચે આપણ બેઉ સાથ છીએ રે !

તણાઈ જાતી રમણા ભ્રમણા, એવા આછરતા અજવાળે
સ્પર્શ અને સંવાદો વચ્ચે આપણ બેઉ સાથ છીએ રે !

ફુરસદના આ ઓઘ ઉછળતા, એક જ નામ રમંતુ જીહ્વે
સમજણ ને સગપણની વચ્ચે આપણ બેઉ સાથ છીએ રે !

પગલાંઓ જ્યાં ઓગળતા ને મૌન મ્હાલતી શેરી સારી
હવા અને સુસવાટા વચ્ચે આપણ બેઉ સાથ છીએ રે !

~ લતા હિરાણી

પ્રકાશિત @ વિ. વિદ્યાનગર @ એપ્રિલ 2026

Rekha Bhatt

12/04/2026 at 9:09 am

વાહ લતાબેન ટહુકા ને સન્નાટા વચ્ચે.. ખૂબ ગમ્યું. 👍

છબીલભાઈ ત્રિવેદી
12/04/2026 at 10:07 am

વાહ ખુબ સરસ રચના ખુબ ખુબ અભિનંદન

Loading...

1. Kavyavishva
  13/04/2026 at 12:42 pm
  
  આભાર છબીલભાઈ
  
  Loading...
  
Kavyavishva
13/04/2026 at 12:41 pm

આભાર રેખાબેન

Loading...