🥀મનહર મોદી ~ ઝળહળ ઝળહળ🥀 -

ઝળહળ ઝળહળ અંધારું છે
હું એનો ને એ મારું છે

આ ઘર ઓ ઘર ને એ ઘર
ના મારું કે ના તારું છે

વાંધો શો છે વ્હેંચી લઈએ
અજવાળું તો મજિયારું છે

દુઃખને દુઃખ ભેટે છે હોંશે
આવું સુખ સૌથી સારું છે

કોક વખત એવું પણ લાગે
અજવાળું તો અંધારું છે

આભ અને એથી ઊંચે તું
પંખી કેવું ઊડનારું છે!

પડવું, ઊઠવું, ચાલ્યા કરવું
ભઈલાજી, આ સંસારું છે

~ મનહર મોદી (15.4.1937-23.2.2003)

🙏🏻માફ કરશો મિત્રો, ‘કાવ્યવિશ્વ’માં કાવ્યસંગ્રહો લેવાના બંધ કર્યા છે. આભાર.🙏🏻

Lalit Trivedi

23/03/2026 at 7:29 pm

વિશિષ્ટ શૈલીના અતિ આધુનિક ગઝલકારને પ્રણામ

છબીલભાઈ ત્રિવેદી

24/03/2026 at 10:54 am

વાહ ખુબ સરસ રચના ખુબ ગમી

'સાજ' મેવાડા

24/03/2026 at 4:24 pm

કવિ શ્રી ને સ્મૃતિ વંદન.
સરસ ટુંકી બહેરમાં ગઝલ.

Kavyavishva

25/03/2026 at 10:02 am

સમય ફાળવીને પ્રતિભાવ આપનારા મિત્રોનો ખૂબ ખૂબ આભાર.
‘કાવ્યવિશ્વ’ની મુલાકાત લેનારા મિત્રોનો પણ એટલો જ આભાર.
https://www.kavyavishva.com

🥀મનહર મોદી ~ ઝળહળ ઝળહળ🥀