🥀કિરીટ ગોસ્વામી ~ દાદીમાની વાતો🥀 -

     દાદીમાની વાતો..
     મારા દાદીમાની વાતો..
     રસગુલ્લાનો દરિયો એમની વાતોમાં છલકાતો!

      રોજ સવારે માળા લઈને યાદ કરે ભગવાન,
      સૌની પહેલાં જાગે, સહુનું રાખે ઘરમાં ધ્યાન,

     ખોળે બેસી થતાં ચાગલો, કદીયે ના ધરાતો!
     રસગુલ્લાનો દરિયો એમની વાતોમાં છલકાતો!

     રાજકુંવરની કહે વારતા, ભજન પ્રભુનાં ગાય,
     મને જ પ્હેલાં ખવડાવી ને પછી દાદીમા ખાય,

      પેલ્લો નંબર લાવું ત્યારે હરખ ન એનો માતો!
      રસગુલ્લાનો દરિયો એમની વાતોમાં છલકાતો!

~ કિરીટ ગોસ્વામી

🙏🏻માફ કરશો મિત્રો, ‘કાવ્યવિશ્વ’માં કાવ્યસંગ્રહો લેવાના બંધ કર્યા છે. આભાર.🙏🏻