🔆ધીરુબહેન પટેલ ~ નામના સિક્કા🔆

મારું રસોડું

નામના સિક્કા મારેલી કોઈ પણ ચીજ
મારા રસોડામાં પેસવા જ ન દઉં!
મારે તો ઈશ્વરની ઇચ્છા પ્રમાણે
કુદરતે જ બનાવેલું કાચું ને ખરબચડું બધું ખપે.
એનો મારી મરજી પ્રમાણેનો ઘાટ ઘડવાની
મને ફુ૨સદ છે.

લાખો માણસો માટે
વૈજ્ઞાનિક પ્રક્રિયાથી બનાવેલો ખોરાક
મને હું ખોવાઈ ગઈ હોઉં એવો અનુભવ કરાવે છે.

મારું રસોડું એટલે
શું માત્ર ડબા ખોલવાનું
ને ખોખાં પરનાં ઢાંકણાં ફાડવાનું
અને બાટલીઓના બૂચ
સંભાળીને કાઢવાનું જ સ્થળ છે?

ખોરાકના ધંધામાં પડેલા ને શહે૨માં વસતા
મહાન ઉદ્યોગપતિઓના હુકમ ઉઠાવનારી
હું શું એક મામૂલી મજૂરણ છું?

~ ધીરુબહેન પટેલ

સૌજન્ય : કાવ્યસંગ્રહ ‘કીચન પોએમ્સ’ ~ ધીરુબહેન પટેલ * પ્રકાશક : બુકપબ 2018
આ જ કાવ્યસંગ્રહ ધીરુબહેન અંગ્રેજીમાં પણ આપ્યો છે.
Kitchen Poems – Dhiruben Patel * Image Pub. 2005, 2nd ed 2017