🔆ધીરુબહેન પટેલ ~ સામુહિક રસોડું🔆

સામુહિક રસોડું

સામુહિક રસોડું એટલે લાજવાબ!
એને માટે બીજો શબ્દ હોઈ જ ન શકે.
અરે! કેટલી બધી સ્ત્રીઓનાં
કેટલા બધા કલાકો બચી જાય!

નિષ્ણાતોના માર્ગદર્શન હેઠળ જ ચાલે.
કરકસરયુક્ત, સ્વચ્છ, સ્વાસ્થ્યપ્રદ,
દરેકને યોગ્ય પોષણપ્રદ.

સામૂહિક રસોડું એટલે સમાજને માટે વરદાન
કોઈ ન નાનું, કોઈ ન મોટું – સર્વ સમાન.
સૌને માટે આશીર્વાદ!

તો પછી આ મૂર્ખ સ્ત્રીઓ
‘આ કંઈ બરાબર ન કહેવાય’
એવા નિસાસા શાને નાખતી હશે?

~ ધીરુબહેન પટેલ

સૌજન્ય : કાવ્યસંગ્રહ ‘કીચન પોએમ્સ’ ~ ધીરુબહેન પટેલ * પ્રકાશક : બુકપબ 2018
આ જ કાવ્યસંગ્રહ ધીરુબહેન અંગ્રેજીમાં પણ આપ્યો છે.
Kitchen Poems – Dhiruben Patel * Image Pub. 2005, 2nd ed 2017