🔆ધીરુબહેન પટેલ ~ ફાટેલા આયખાને🔆 -

ફાટેલા આયખાને

ફાટેલા આયખાને સાંધવા હું બેઠી
પણ આવ્યો ના કાંઈ ભલીવાર જી રે
…ફાટેલા આયખાને

રાતોની રાતો ગઈ ટમટમતા કોડિયે
રતન આંખ્યોનાં ઝંખવાયાં જી રે
ફાંકા ને બખિયા ઊંધું ઘાલીને લીધા
ઓટણ આ પારથી ઓ પાર જી રે
…ફાટેલા આયખાને

તોયે સંધાય ના આ જીવતરની ડગલી
કોને કરવી એની વાત જી રે
મારે તે ખાટલે ખોડ એવી મોટી
કાચો તે દોરો આવ્યો હાથમાં જી રે …
….ફાટેલા આયખાને…

આમથી સાંધે ત્યાં તેમથી તૂટે
ઠાલી સોયું ભોંકાય આ ટેરવે જી રે
વ્હાણા પછી રાત ને રાત પછી વ્હાણું
રામપાતર મળ્યું છે મને કાણું જી રે
…ફાટેલા આયખાને

~ ધીરુબહેન પટેલ

અહીં એમણે સાંગોપાંગ મોતની કલ્પના મૂકી છે !

કાવ્યસંગ્રહ ‘છોળ અને છાલક’ * ધીરુબહેન પટેલ * ઈમેજ પ્રકાશન 2014

Anonymous

27/01/2026 at 10:39 am

AMAZING

છબીલભાઈ ત્રિવેદી

27/01/2026 at 10:50 am

વાહ ખુબ સરસ રચના ખુબ ગમી અભિનંદન કાવ્ય વિશ્વ

Minal pravinchnra Oza

27/01/2026 at 12:12 pm

ઉંમરના આ પડાવે થતા અનુભવની ,ડગલીના પ્રતીક દ્વારા બરાબર અભિવ્યક્તિ થઈ છે. વંદન.

'સાજ' મેવાડા

27/01/2026 at 10:40 pm

એક વૃદ્ધ વિધવા સ્ત્રીની વેદનાનું ચિત્રાત્મક વર્ણન અનુભવાય છે.

🔆ધીરુબહેન પટેલ ~ ફાટેલા આયખાને🔆