🔆કૈલાસ પંડિત ~ ભૂલી જવાનો * આશિત દેસાઈ🔆 -

ભૂલી જવાનો હું જ, એ કહેતા હતા મને,
એવું કહીને એ જ તો ભૂલી ગયા મને.

પૂછ્યું નથી શું કોઈએ, મારા વિશે કશું?
તારા વિશે તો કેટલું પૂછે બધા મને!

ખોબો ભરીને ક્યાંયથી પીવા મળ્યું નહિ
દરિયો મળ્યો છે આમ તો ડૂબી જવા મને.

ચાલો હસીને વાત કરો, એ જ છે ઘણું,
મંજુર છે સહુ આપની એ હા કે ના મને.

ભૂલી જવાની વાત હવે યાદ ક્યાં મને
તારા લખેલા એટલાં પત્રો મળ્યાં મને

થાકી ગયો’તો ખૂબ ના ચાલી શકત જરા
સારું થયું કે લોક તો ઉંચકી ગયા મને

~ કૈલાસ પંડિત (23.12.1941 – 8.11.1994)

સ્વરકાર અને સ્વર : આશિત દેસાઈ

viral vyas

23/12/2025 at 9:12 am

સારું થયું કે લોક ઊંચકી ગયા મને ……….વાહ

છબીલભાઈ ત્રિવેદી

23/12/2025 at 9:17 am

વાહ ખુબ ગઝલ સ્વર સ્વરાંકન ઉત્તમ સ્મ્રુતિવંદન

વંદના બ્રહ્મભટ્ટ 'નેહ'

23/12/2025 at 9:27 am

ઉત્તમ ગઝલ

Varij Luhar

23/12/2025 at 10:51 am

વાહ.. ખૂબ સરસ ગઝલ.. સ્વરાંકન..
1987 માં મારા ગઝલ સંગ્રહ ‘ ગોરમ્ભા પછી ‘ ના વિમોચનમાં આદરણીય કવિશ્રી
કૈલાસ પંડિત હાજર રહેલ તેનું સ્મરણ વંદનીય

Saryu Parikh

23/12/2025 at 7:49 pm

ભૂલી જવાનો હું જ, એ કહેતા હતા મને,
એવું કહીને એ જ તો ભૂલી ગયા મને.
સરસ રચના.
સરયૂ

Kavyavishva

24/12/2025 at 10:28 am

પ્રતિભાવ આપનારા મિત્રોનો ખૂબ ખૂબ આભાર.

મુલાકાત લેનારા મિત્રોનો પણ એટલો જ આભાર.

લતા હિરાણી

કાલિદાસ વ. પટેલ

24/12/2025 at 3:32 pm

સરસ અભિવ્યક્તિ

… કાલિદાસ વ.પટેલ વાગોસણા

🔆કૈલાસ પંડિત ~ ભૂલી જવાનો * આશિત દેસાઈ🔆