🔆પાબ્લો નેરુદા ~ કવિતા અને કવિ🔆

કવિતા અને કવિ વિશે પાબ્લો નેરુદા કહે છે, “કવિ કોઈ નાનો દેવ નથી. એ સ્વર્ગમાંથી અગ્નિ ચોરીને આવ્યો નથી. એ કોઈ વિશિષ્ટ જાતિનું સંતાન નથી. એ તો કસબી છે. એને એનો આગવો વ્યવસાય છે. બીજા કોઈ વ્યવસાયો કરતાં એનો વ્યવસાય વધારે મહત્ત્વનો છે એવું પણ નથી. સિવાય કે એ સમાજનાં પ્રતિક્રિયાશીલ બળોનો પ્રતિકાર કરવાનું ગજું ધરાવે છે અને એ ખતરનાક પણ છે કારણ કે એ સત્યના રક્ષક તરીકે બોલે છે… મારું એક એક કાવ્ય આસમાનમાં મારેલો ભૂસકો છે. હું વારાફરતી બારીમાંથી શેરીમાં કૂદું છું અને શેરીમાંથી પાછો બારીની અંદર કૂદું છું. અમુક દૃષ્ટિબિન્દુનો પક્ષ લેતી કવિતાને મેં હંમેશાં નકારી કાઢી છે અને કાવ્યની અમુક એક રીતિમાં પુરાઈ રહેવાનું મને કદી મંજૂર નથી. એકલતા, વિષાદ અને વસ્તુઓની ભયાનકતા વર્ણવવાનો મારો અધિકાર મેં કદી જતો કર્યો નથી. મારું કામ તો ધ્વનિને પકડવાનું છે, રંગોની મેળવણી કરવાનું છે, વસ્તુની પાછળ રહેલી શક્તિનો તાગ કાઢવાનું છે અને એ સર્જન અને વિસર્જનની પદ્ધતિથી હું કરતો રહું છું.’

~ પાબ્લો નેરુદા (નોબેલ પુરસ્કાર 1971) 60 પુસ્તકોના રચયિતા ચિલીના કવિ

સૌજન્ય : ચાહું છું તને, હે પૃથ્વી ~ પાબ્લો નેરુદા * અનુવાદ – રમણીક અગ્રાવત પુસ્તકમાંથી

🙏🏻આપ ‘કાવ્યવિશ્વ’ના નિયમિત મુલાકાતી છો એનો આનંદ છે. સાઇટના આ નવા સ્વરૂપમાં આપને ફરી subscribe કરવાનું રહેશે. એટલો સહકાર જરૂર મળશે. આભાર.  આપના પ્રતિભાવો આનંદ અને ઉત્સાહ આપશે. આભાર. – સંપાદક🙏🏻