🔆રમણીક અગ્રાવત ~ અકાદમી અનુવાદ પુરસ્કાર🔆

🌹🌹

*ઊભી રહે, હે પૃથ્વી!*

મને પાછો લઈ જા, સૂર્ય!
મારી નિરંકુશ નિયતિ પાસે;
પ્રાચીન વનોના વરસાદ!
મને પાછી લાવી દે
આકાશમાંથી ઊતરી હતી એ સુગંધ, એ તલવાર,
ગૌચર અને પથ્થરની એકલ શાન્તિ,
નદીકાંઠાની આર્દ્રતા,
લાર્ચ વૃક્ષની ગંધ,
ગગનચુંબી આરાઉકારિયાના અડાબીડ અજંપામાં
ધબકતા હૃદય જેવો પવન.

પૃથ્વી! મને પાછી આપ તારી નરી બક્ષિસ,
પોતાનાં મૂળની ગંભીરતામાંથી
જાગી ઊઠેલા મૌનના મિનારા.

હું જે નથી બની શક્યો એ બનવા માટે
ને આટલાં ઊંડાણેથી પાછા ફરવાનું શીખવા માટે
મારે પાછા આવવું છે.
ભલે ને બધી કુદરતી વસ્તુઓ વચ્ચે
હું જીવી શકું કે ન જીવી શકું.
મને પરવા નથી.
ભલે ને હું એક બીજો પથ્થર બનું, કાળો પથ્થર બનું,
નદી જેને ખેંચી જાય છે એ નર્યો પથ્થર બનું.

~ પાબ્લો નેરુદા * અનુવાદ રમણીક અગ્રાવત

આપણા જાણીતા કવિ શ્રી રમણીક અગ્રાવતને તા. 24 ઓક્ટોબર 2025ના રોજ કોલકત્તામાં કેન્દ્રિય સાહિત્ય અકાદમીનો 2024નો ગુજરાતી ભાષાનો અનુવાદ પુરસ્કાર પ્રાપ્ત થયો. દરેક પ્રાદેશિક ભાષામાં આ અનુવાદો અપાય છે. ગુજરાતી સાહિત્ય અને ગુજરાતી પ્રજા માટે આ ગૌરવનો અવસર છે.

‘કાવ્યવિશ્વ’ અને કવિતાપ્રેમીઓ તરફથી કવિને અઢળક અભિનંદન.   

‘કાવ્યવિશ્વ’ને પ્રાપ્ત થયેલા કવિના કાવ્યાનુવાદના પુસ્તકો નીચે મુજબ છે.

1 કુંવર નારાયણ ~ કુમારજીવ : અનુવાદ રમણીક અગ્રાવત * પ્ર. સ્વયં
2. કેદારનાથસિંહ ~ વાઘ અને અન્ય કાવ્યો : અનુવાદ રમણીક અગ્રાવત * પ્ર. ઊર્મિદીપ 2018
3. પાબ્લો નેરુદા ~ ચાહું છું તને, હે પૃથ્વી : અનુવાદ રમણીક અગ્રાવત * પ્ર. ઊર્મિદીપ 2021

આ ઉપરાંત કવિના કાવ્યસંગ્રહો, જે ‘કાવ્યવિશ્વ’ને પ્રાપ્ત થયા છે.

1 રમણીક અગ્રાવત ~ અંતરીક્ષમાં લટકતી સીડીઓ * પ્ર. ઊર્મિદીપ 2018
2. રમણીક અગ્રાવત ~ વાદ્યોમાં હું રણકાર છું * પ્ર. ઊર્મિદીપ 2018   

**

મિત્રો, ‘કાવ્યવિશ્વ‘માં આપના માટે હાજર છે,

કાવ્ય 4210 થી વધુ
અનુવાદ 95  
વારસો (લોકગીતો વગેરે) 40
સંચય (કવિના હસ્તાક્ષરોમાં કવિતા) 73
સર્જક (કવિ પરિચય) 71
સેતુ (કવિઓના કાવ્યસર્જનને લગતા પ્રસંગો) 98
સ્વરૂપ (અછાંદસ, ગઝલ, ગીત.. સ્વરૂપને લગતા લેખો) 42
યુવા..હ (યુવાનો માટેનો નવો વિભાગ) 2
હાઉક (નવો વિભાગ: બાળકાવ્યો) 32  
હાલરડાં 7

કમ્પ્યુટરમાં : આ બધા વિભાગો આપને ઉપરના હેડર ફોટાની જરાક નીચે સૌથી ઉપરની લાઇનમાં એકસાથે જોવા મળશે.
મોબાઈલમાં : હેડર ફોટાની ઉપર જમણી બાજુ ખૂણામાં આપને ત્રણ લાઇન દેખાશે. એના પર ક્લિક કરતાં બધા વિભાગોના નામનું લિસ્ટ દેખાશે.

કોઈપણ વિભાગ પર ક્લિક કરતાં એ વિભાગની બધી પોસ્ટ એકસાથે જોઈ શકાશે.  

🙏આજ સુધીમાં 1556 અંકની 5314 પોસ્ટ, દોઢ લાખથી વધારે વિઝીટર્સ અને ત્રણ લાખથી વધારે વ્યુઝ સાથે, ‘કાવ્યવિશ્વ’ પાંચ વર્ષ (9.10.2020) પૂરાં કરીને છઠ્ઠા વર્ષમાં પ્રવેશ્યું છે. આપના અદભુત સહયોગ બદલ આભારી છું. – સંપાદક : લતા જગદીશ હિરાણી🙏