🔆હર્ષ બ્રહ્મભટ્ટ ~ નરસિંહ મહેતા એવોર્ડ🔆 -

શબ્દમાંથી અર્થ છૂટા થાય છે,
વેદના શું એ હવે સમજાય છે.

કોણ એને ઝાંઝવા સિંચ્યા કરે,
રોજ રાત્રે સ્વપ્ન એક ફણગાય છે.

રેત ને પગલાંનું ચાલે સંવનન,
એટલે મંઝિલ હવે અટવાય છે.

આંખ મારી એક એવો કોયડો,
જામ ખાલી છે છતાં છલકાય છે.

શૂન્યતાની આગમાં પીગળી જશે,
લાગણીઓ જે મહીં રૂંધાય છે.

મારી ભીતર કેટલું વરસ્યાં તમે,
આખે આખું અંગ લીલું થાય છે.

~ હર્ષ બ્રહ્મભટ્ટ

કવિ હર્ષ બ્રહ્મભટ્ટને તા. 6 ઓકટોબર 2025ના રોજ પૂ. મોરારીબાપુના હસ્તે ‘નરસિંહ મહેતા એવોર્ડ’ અર્પણ થયો. ગુજરાતી ભાષાના આ સૌથી પ્રતિષ્ઠિત પુરસ્કારમાં આદિકવિ નરસિંહ મહેતાની પ્રતિમા, શાલ, સૂત્રમાળા અને રૂ. 1 લાખ 51 હજારની સન્માન રાશિનો સમાવેશ થાય છે.

‘કાવ્યવિશ્વ’ તરફથી કવિને અઢળક અભિનંદન

મિત્રો, ‘કાવ્યવિશ્વ‘માં આપના માટે હાજર છે,

કાવ્ય 4210 થી વધુ
અનુવાદ 95
વારસો (લોકગીતો વગેરે) 40
સંચય (કવિના હસ્તાક્ષરોમાં કવિતા) 73
સર્જક (કવિ પરિચય) 71
સેતુ (કવિઓના કાવ્યસર્જનને લગતા પ્રસંગો) 98
સ્વરૂપ (અછાંદસ, ગઝલ, ગીત.. સ્વરૂપને લગતા લેખો) 42
યુવા..હ (યુવાનો માટેનો નવો વિભાગ) 2
હાઉક (નવો વિભાગ: બાળકાવ્યો) 32
હાલરડાં 7

કમ્પ્યુટરમાં : આ બધા વિભાગો આપને ઉપરના હેડર ફોટાની જરાક નીચે સૌથી ઉપરની લાઇનમાં એકસાથે જોવા મળશે.
મોબાઈલમાં : હેડર ફોટાની ઉપર જમણી બાજુ ખૂણામાં આપને ત્રણ લાઇન દેખાશે. એના પર ક્લિક કરતાં બધા વિભાગોના નામનું લિસ્ટ દેખાશે.

કોઈપણ વિભાગ પર ક્લિક કરતાં એ વિભાગની બધી પોસ્ટ એકસાથે જોઈ શકાશે.

🙏આજ સુધીમાં 1556 અંકની 5314 પોસ્ટ, દોઢ લાખથી વધારે વિઝીટર્સ અને ત્રણ લાખથી વધારે વ્યુઝ સાથે, ‘કાવ્યવિશ્વ’ પાંચ વર્ષ (9.10.2020) પૂરાં કરીને છઠ્ઠા વર્ષમાં પ્રવેશ્યું છે. આપના અદભુત સહયોગ બદલ આભારી છું. – સંપાદક : લતા જગદીશ હિરાણી🙏