🔆હર્ષદ ત્રિવેદી ~ સ્વર અનાર શાહ🔆 -

હવે મળશું તો સાંજના સુમારે
આથમતો સૂરજ હો આછો હો ચંદ્રમા
અવનિના એવા ઓવારે!

પગલાંમાં સ્હેજે ઉતાવળ ના હોય અને
અમથો યે ના હો ઉચાટ,
એવો ઉમંગ ચડે દિલને દુવાર
જાણે ઝૂલ્યાં કૈં હિંડોળા-ખાટ;
ચાંદનીના પડછાયા આંખોમાં વિસ્તરતા
ઝાળઝાળ અગનિને ઠારે!… હવે

પોતાની આંખોમાં સુખનો સૂરજ લઇ
પંખીઓ ફરવાનાં પાછાં,
એકાદી ડાળે કોઈ એકાદા માળામાં
ઊતરશે અંધારાં આછાં;
આપણે તો ખીલવાનું મોગરાની જેમ
અને રહેવાનું ક્યારાની ધારે! … હવે

~ હર્ષદ ત્રિવેદી

કાવ્ય : હર્ષદ ત્રિવેદી * સ્વરકાર: અમર ભટ્ટ * સ્વર : અનાર શાહ

છબીલભાઈ ત્રિવેદી

31/10/2025 at 9:59 am

વાહ ખુબ સરસ રચના સ્વરાંકન પણ ઉત્તમ અભિનંદન

જાગ્રત વ્યાસ
31/10/2025 at 3:31 pm

વાહ, કવિશ્રી હર્ષદ ત્રિવેદીની ખૂબ ઉત્કૃષ્ટ રચના. શબ્દ પસંદગી, લય વગેરે.. ખૂબ સરસ.એટલી જ સુંદર ગાયકી. અભિનંદન. 👌🏻🌹👍🏻

Loading...

દિલીપ જોશી

31/10/2025 at 11:14 am

હર્ષદ ત્રિવેદીના સુંદર ગીતને પ્રાચી શાહે અમર ભટ્ટના સ્વરાંકનમાં ચાર ચાંદ લગાડી આપ્યા છે. એક ભવ્ય આછા અભાવનો વર્તારો સ્વરોમાં વર્તાઈ આવ્યો છે.આ જુદાઈનો આર્જવભર્યો રણકો ગીતમાં પૂરેપૂરો વણાઈ ગયો છે. ત્રણેય સર્જકોને આ કૃતિની સફળતા માટે ધન્યવાદ.જય હો.