🔆ધીરેન્દ્ર મહેતા ~ કલમ ખડિયો કાગળ🔆 -

કલમ ખડિયો કાગળ લઇને બેઠા કાંઈ ચીતરવા જી,
ચારે છેડે બંધાયેલી દુનિયામાં વિચરવા જી.

સૂનકાર કરે છે આખું આભ ભરીને સેલારા જી,
દશે દિશામાં ગાજે એના હેલારા હેલારા જી.

આલીપા છે ધગધગતાં રણ, નદીયુંની પણ ખળખળ જી,
અહીં હાંફતાં હરણની સાથે માછલિયુંની તડફડ જી.

એમાં થઇને કંઇક મલક ને મેદાનો આ નીકળ્યાં જી,
કોઇ નગર ને ગામને પાદર ઘર ને ખડકી ખખડ્યાં જી.

અવાવરુ કુવા, અણજાણ્યાં કોતર, ઊંડી ઊંડી ખીણો જી,
સમો ઘૂઘવે ઘેરું ઘેરું, સૂ સૂ સૂસવે તીણો જી.

કઇ આ દુનિયા, કયા લોક આ, ક્યાંથી લાવ્યાં ગોતી જી,
વીજળીને ઝબકારે ક્યાંથી પાનબાઇ પ્રોવે મોતી જી?

~ ધીરેન્દ્ર મહેતા (29.8.1944)

છબીલભાઈ ત્રિવેદી

29/08/2025 at 9:44 pm

વાહ ખુબ સરસ રચના

પુરુષોત્તમ મેવાડા 'સાજ'

30/08/2025 at 1:45 pm

ખૂબ સરસ ગીત

હરીશ દાસાણી.મુંબઈ

30/08/2025 at 8:42 pm

પારલૌકિક આનંદમય વિશ્વનો અણસાર આપતી સમર્થ કવિતા

Shailesh Gadhavi

31/08/2025 at 9:45 am

ખૂબ સરસ રચના

suresh parmar

31/08/2025 at 9:49 am

ખૂબ સરસ.ગ્રામ્ય પરિવેશ અને આધ્યાત્મિક સ્પર્શ 🌹🙏

🔆ધીરેન્દ્ર મહેતા ~ કલમ ખડિયો કાગળ🔆