🔆વિનોદ જોશી ~ હું એવો ગુજરાતી🔆 -

હું એવો ગુજરાતી જેની;
હું ગુજરાતી એ જ વાતથી ગજ ગજ ફૂલે છાતી….

અંગે અંગે વહે નર્મદા, શ્વાસોમાં મહીસાગ૨,
અરવલ્લીનો પિંડ પ્રાણમાં ધબકે છે રત્નાકર;
હું સાવજની ત્રાડ, હું જ ગરવી ભાષા લચકાતી…

નવરાત્રિનો ગર્ભદીપ હું, હું શત્રુંજય શૃંગ,
સૂર્યમંદિરે ગુંજ૨તો હું ધવલ તેજનો ભૃંગ;
હું ગિ૨નારી ગોખ, દ્વારિકા હું જ સુધા૨સ પાતી….

દુહા-છંદની હું ૨મઝટ, હું ભગવું ભગવું ધ્યાન,
મીરાંની ક૨તાલ હું જ, હું નિત્ય એક આખ્યાન;
વિજાણંદનું હું જંતર, હું ન૨સૈંની ૫૨ભાતી….

હું ગાંધીનું મૌન, હું જ સ૨દા૨ તણી છું હાક,
હું જ સત્યનું આયુધ જેની દિગ્દિગંતમાં ધાક;
હું સંતોનું સૌમ્ય સ્મિત, તલવા૨ શૂ૨ની તાતી…

હું મારી માટીનો જાયો, હું ગુર્જર અવતાર,
મારે શિ૨ ભા૨તમાતાની આશિષનો વિસ્તા૨;
હું કેવળ હું હોઉં છતાં, હું સદા હોઉં મહાજાતિ…

~ વિનોદ જોશી

સૌને ગુજરાતી દિનની શુભેચ્છાઓ

દિનેશ ડોંગરે નાદાન

24/08/2025 at 10:27 am

ગુજરાત, ગુજરાતી અને ગુજરાતીતાનું દર્શન કરાવતી અદભૂત રચના. અભિનંદન વિનોદભાઈ.

છબીલભાઈ ત્રિવેદી

24/08/2025 at 10:53 am

વાહ ખુબ સરસ રચના અભિનંદન

Praful Pandya

24/08/2025 at 11:06 am

આ ગીત વાંચીને કૌઈપણ ગુજરાતીની છાતી ગજગજ ફુલે જ અને તે સ્વાભાવિક છે.ગુજરાતી હોવાની પ્રતીતિ કરાવતા પ્રતિક કલ્પનો સમગ્ર ગુજરાતને તથા આપણા ગુજરાતીપણા઼ને રમણીય બનાવે છે.કવિશ્રી વિનોદ જોશીને ખૂબ ખૂબ હાર્દિક અભિનંદન !
પ્રફુલ્લ પંડ્યા