🔆કરસનદાસ લુહાર ~ એક લીલા પાંદ પર🔆 -

એક લીલા પાંદ પર તેં વહાલ વરસાવ્યું હશે !
એ પછી આંગણ સુધી જંગલ ધસી આવ્યું હશે

આંકીનો અંધાર મારો સૌમ્ય હરિયાળો થયો
તુલસી-કયારે કોડિયું તે હમણાં પ્રગટાવ્યું હશે!

જે જગાથી આપણે લઈને તરસ છૂટાં પડયાં
એ જગા જોવા પછી કોઈ ઝરણ આવ્યું હશે !

ચાર અક્ષર જેટલું અંતર સહેવાયું નહીં
એટલે તે છૂંદણામાં નામ ત્રોફાવ્યું હશે

મારું નિર્જળ શહેર આખું પાણીપાણી છે હવે
પત્રમાં સરિયામ ચોમાસુ તેં ચિતરાવ્યું હશે!

~ કરસનદાસ લુહાર 12.8.1942

કવિના જન્મદિને સ્મૃતિવંદના

છબીલભાઈ ત્રિવેદી

12/08/2025 at 8:44 am

ખુબ સરસ કાવ્ય સ્મ્રુતિવંદન

સતીશ જે.દવે
14/08/2025 at 10:18 am

કવિશ્રી કરસનદાસ લુહારની સ્મૃતિવંદના..છેવાડાના નાના ગામમાં રહી એમણે શિક્ષણ સાથે કાવ્યસાધના કરી અને અનેક ઉગતા કવિઓને માર્ગદર્શન અને પ્લેટફોર્મ પૂરું પાડ્યું.સાદર વંદન.

Loading...