રાઝ નવસારવી ~ સૌની નજર બચાવીને

હૈયા સુધી મળું

સૌની નજર બચાવીને હૈયા સુધી મળું,
ઇચ્છા છે, તારી ઊર્મિના નકશા સુધી મળું.

એના પછી તો આવે છે શંકાની સરહદો,
તારા તરફ મને છે એ શ્રદ્ધા સુધી મળું.

સારું થયું કે આવી ચઢી વહારે કલ્પના,
સંભવ હવે એ ક્યાં તને મરતાં સુધી મળું.

દરિયાના વ્યાપની મઝા લાઘવમાં શોધીએ,
કાન સંજોગ એવા હોય તો ખોબા સુધી મળું.

સંઘર્ષ જિંદગીના મને દે છે ક્યાં નિરાંત,
મૃત્યુ બહાને ‘રાઝ’ હું મારા સુધી મળું.

~ રાઝ નવસારવી (જ.9.12.1935)

કવિના જન્મદિને વંદના