મન થાય
ક્યારેક
તને બધી રીતે બાંધી લેવાની ઇચ્છા થાય
ક્યારેક મન થાય
તને દરેક રીતે મુક્ત રાખવાનું
ક્યારેક
મને બધી રીતે બંધાઈ જવાની ઇચ્છા થાય
ક્યારેક મન થાય
દરેક રીતે મુક્ત રહેવાનું
બાંધવા-બંધાવાની ઇચ્છા પાછળ
પડછાયો છે એક અસલામતીનો….
મુક્ત રાખવા-રહેવાની પાછળ ડોકાય છે
એક બીજી અસલામતી….
મારું સત્ય
આ બે કિનારાની વચ્ચે
ક્યાં છે ? ~ સોનલ પરીખ
જીવન પ્રત્યે દૃષ્ટિપાત કરતાં એક પછી એક સવાલો આવે અને સામે મળી જતા એના જવાબો પણ ખરા જ ! તો સમસ્યા ક્યાં છે? કેમ કે એ જવાબોથી પૂર્ણવિરામ નથી આવતું, મુશ્કેલી ત્યાં છે એટલે અંતિમ સત્યની શોધ ચાલુ જ છે…… કદાચ ચાલ્યા કરે જીવનભર……