🥀🥀
સાદ પાડું છું ક્યારનો હું કોને? હું કોને?
જે નથી એને પૂછું છું : છો ને? તું છો ને? તું છો ને?
સદીઓની સદીઓથી મેં એને પાડેલા સાદનો ખડકલો આ પર્વત
સામે વહેરાઉં હું, તેનાં સાહેદ : એક હું, બીજી કાળની આ કરવત
વહેરાતાં ઝીણી ઝીણી વહેર પડી એનું નામ રણ છે, ને રેતી છે, હોં ને !
હું છું ત્યાં સુધી તો સાદ છે, પરંતુ હું નહીં હોઉં ત્યારે શું થાશે?
પર્વત વળોટી એ આ બાજુ આવશે, તો આવીને કયું ગીત ગાશે?
હું નહીં હોઉં ત્યારે કોણ એને કહેશે કે, આ મારું ગીત મને દ્યો ને !
~ રમેશ પારેખ
રમેશભાઈ એટલે ગીત અને ભાવ-લયનો અદભૂત સમન્વય.આ રચનાઓ પણ એની સાક્ષી પૂરે છે.
કવિના કાયમ નવાં નવાં ગીતો માણી શકાય છે. વાહ.
બન્ને રચના સરસ 👌👌
ખુબ સુંદર મનભાવન. રચના