🥀🥀
ચકલી રે ચકલી
કરે મારા આંગણામાં ચીં-ચીંની એ ઢગલી…
આમ જાય તેમ જાય
કૂંડાના પાણીમાં ન્હાય
વ્હાલી વ્હાલી લાગે જાણે હોય મારી સગલી…
કરે મારા આંગણામાં ચીં-ચીંની એ ઢગલી…
ઘડી ઊંચી ડાળખીમાં
પાંદડાંની પાલખીમાં
નીરખે ને ગાઈ ઊઠે કાબરબેના નકલી…
કરે મારા આંગણામાં ચીં-ચીંની એ ઢગલી…
આવ કરું હાલાંવ્હાલાં
ગીત ગાઉં કાલાંકાલાં
ભરજે તું ધીમેધીમે અહીં પા-પા પગલી…
કરે મારા આંગણામાં ચીં-ચીંની એ ઢગલી…
~ મનોહર ત્રિવેદી