🥀🥀
કાચના મહેલોમાં કાગારોળ છે,
પથ્થરોની આંખ પણ તરબોળ છે.
કલ્પના સુંદર હતી, રૂડી હતી,
વાસ્તવિકતા કેટલી બેડોળ છે!
રાત દિ’ ચાલું છું ત્યાંનો ત્યાં જ છું,
મારું જીવન જાણે કે ચકડોળ છે!
મારા દિલમાં જીવતી ચિનગારીઓ,
એની આંખોમાં નર્યો વંટોળ છે.
કોણ એનું રૂપ બદલે, શી મજાલ?
આ તો મારા ગામની ભૂગોળ છે.
ઘાણીએ ફરતો બળદ અટકી જશે,
એને ના કહેશો કે પૃથ્વી ગોળ છે.
~ ખલીલ ધનતેજવી
અદ્ભુત રચનાઓ ખલીલભાઈ કાયમ યાદ રહેશે 🙏
ખલીવ સાહેબનો અંદાજ જ નિરાળો. સ્વમુખે સાંભળવા એ મોટો લહાવો. એક એટ શેર પર તાળીઓ પડે જ.