🔆નાઝીર દેખૈયા ~ ગગનવાસી🔆 -

🥀 🥀

ગગનવાસી ધરા પર બે ઘડી શ્વાસો ભરી તો જો!
જીવનદાતા, જીવન કેરો અનુભવ તું કરી તો જો!

સદાયે શેષ શૈયા પર શયન કરનાર ઓ ભગવન,
ફકત એકવાર કાંટાની પથારી પાથરી તો જો!

જીવન જેવું જીવન તુજ હાથમાં સુપરત કરી દેશું,
અમારી જેમ અમને એકપળ તું કરગરી તો જો!

નથી આ વાત સાગરની,આ ભવસાગરની વાતો છે;
અવરને તારનારા!તું સ્વયં એને તરી તો જો!

નિછાવર થઈ જઈશ એ વાત કરવી સહેલ છે “નાઝિર”
વફાના શ્વાસ ભરનારા, મરણ પહેલાં મરી તો જો.

~ નાઝીર દેખૈયા 13.2.1921 – 16.3.1988

🥀 🥀

છબીલભાઈ ત્રિવેદી

13/02/2026 at 8:07 am

વાહ ખુબ લોકપ્રિય રચના કવિ ઈશ્વર ને મનુષ્ય જીવન કેટલુ કઠીન છે તેનો અનુભવ કરવા નુ કહે છે સ્મ્રુતિવંદન

'સાજ' મેવાડા

13/02/2026 at 10:49 pm

એક કવિની સાંસારિક વેદના આબાદ ઝીલાઈ છે આ ગઝલમાં. વંદન.

Kavyavishva

15/02/2026 at 9:02 pm

પ્રતિભાવ આપનારા સૌ મિત્રોનો ખૂબ ખૂબ આભાર.
‘કાવ્યવિશ્વ’ની મુલાકાત લેનારા મિત્રોનો પણ એટલો જ આભાર.
લતા હિરાણી

🔆નાઝીર દેખૈયા ~ ગગનવાસી🔆