🥀🥀
આયખું નાનું ને મને ઓરતા અપાર
નાનકડી નાવ ને સામે કેવો પારાવાર
આયખું નાનું ને…
કોમળ આ કૂંપળ ને માથે આકાશ
ઝંખે સૂરજમુખી સૂરજ—સહવાસ
હું તો છું રાત અને ઝંખું સવાર.
આયખું નાનું ને..
માનવની વચ્ચે હું શોધું છું માધવ
શબરી પણ ઝંખે છે પોતાનો રાઘવ
ચારે બાજુ ભીંત મારે ખોલવાં છે દ્વાર
આયખું નાનું ને…
~ અનિલ કડકિયા (26.12.1946)
વાહ સરસ ગીત રચના..
સરસ ભાવ ગીત
માનવમાં માધવ શૌધવાની વાત સારી રીતે કહેવાઈ છે. અભિનંદન.