*લીલોછમ ટહુકો!*
લીલોછમ ટહુકો ઊડ્યો છે પાંખમાં,
લઈને આકાશ આ આખું…!
મને દઈ દ્યો આ ટહુકાનું આયખું…!
મેઘધનુષનું એક આખું નગર વસે
વાદળિયા ધુંધળિયા દેશમાં..!
ને વીજલડી, ચાંદા ને તારાની ઓથે,
ઊઘડતું બ્રહ્માંડ આખું…!
મને દઈ દ્યો આ ટહુકાનું આયખું…!
યમુનાને કાંઠે, કદમના પાનપાન,
રે, સખી, માધવની મુરલીએ મ્હાલે…
ને રાધિકાની રગરગમાં, વાસંતી ટહુકો,
ઊતરે લઈ આકાશ આખું..!
મને દઈ દ્યો આ ટહુકાનું આયખું…!
~ જયશ્રી વિનુ મરચંટ
કેવું સરસ મજાનું ગીત ! સાંભળો એનો ઓડિયો
સ્વર અને સ્વરાંકન : નેહલ રાવલ
વાહ, ગઝલ અને ગીત બંને ખૂબ જ સરસ.
વાહ.. સરસ રચનાઓ