લતા હિરાણી ~ નીરવ રાતે સાંભળતી હું
‘ગુજરાત દીપોત્સવી’ (2024) માં પ્રકાશિત
*તારો એ પદચાપ*
નીરવ રાતે સાંભળતી હું તારો એ પદચાપ
વણગાયાં ગીતોનો ઉઠતો હૈયામાં આલાપ
તારો એ પદચાપ…
ઝીણો ઝીણો દીવો બળતો, અજવાળાંનાં મોતી
ઝરમર ઝરમર ચહેરો તારો, વાદળમાં હું જોતી
ઝલમલતા અંધારા વચ્ચે, ઊગતો આપોઆપ
તારો એ પદચાપ…
નાવ થઈને તરતી રહું હું, અવકાશોના જળમાં
ભળવું હળવે હળવે, ગાતી લહેરો ને ખળખળમાં
ખીલતા ને ખુલતા શ્વાસોમાં રણઝણ થાતા જાપ
તારો એ પદચાપ…
છતમાંથી નીતરતા ચાંદરણાં ઓઢીને આવ
કૂંચી કારણની ફેંકીને, રોમ ફરકતા લાવ
પારિજાત પાલવમાં દેશે હળવે હાથે થાપ
તારો એ પદચાપ…
~ લતા હિરાણી
નીચે મારી વાર્તા વાંચી શકો છો. આભાર
ખૂબ જ સરસ ગીત, પદચાપ સાંભળી શકો એ અનહદના અનુભવની વાત છે.
આભારી છું મેવાડાજી.
તારો એ પદચાપ! વાહ વાહ, નવલ નજરાણું પદચાપને 👌
આભાર સરલાબેન
નાવ થઈને તરતી રહું હું, અવકાશોના જળમાં…
સંપૂર્ણ સુંદર રચના.
સરયૂ
આભાર સરયૂબેન
અનુભૂતિની અભિવ્યક્તિ સરસ થઈ છે.
આભાર મીનલબેન
ખૂબ સરસ ગીત
આભાર લક્ષ્મીબેન
આભાર લક્ષ્મીબેન
ખૂબ સુંદર ગીત કાવ્ય…. દરેક બંધ ચૂસ્ત અને અદભુત… અભિનંદન…
આભાર સુરેશભાઇ
બહુજ સુંદર ગીત
આભાર કિશોરભાઇ
ખૂબ સુંદર અભિવ્યક્તિ
આભાર પૂર્ણિમાબેન
બહોત પહલે સે હમ કદમોં કી આહટ જાન લેતે હૈં
Thank you dear Udayanbhai….