🥀 🥀
મા છાંયડીનો ગરબો
મા લીલા તે ઝાડવેથી ઊતર્યા મા છાંયડી
અને પાંદડીએ પૂરીયાં પ્રાણ રે મા છાંયડી
મા વેશ ધર્યો તે ભૂખરો મા છાંયડી
તારે ઉતારે ઓળઘોળ થાય રે મા છાંયડી
માની સેજે તે માટીયું શોભતી મા છાંયડી
માને છતર ફૂલડાં સોહાય રે મા છાંયડી
માની પાંખે તે પંખીડા ચણન્તા મા છાંયડી
બાળ એનઘેન રમતાં જાય રે મા છાંયડી
મા રમતાં કવિગણ ખોળલે મા છાંયડી
ને કવિતાયું પરગટ થાય રે મા છાંયડી
મા આવ્યાં મલપતાં ખેલતાં મા છાંયડી
અને પ્રેમીજન ઘેલાં થાય રે મા છાંયડી
~ લતા હિરાણી
નીચેની લિન્ક પર મારી વાર્તા વાંચી શકો છો. આભાર
છાંયડીમા no ગરબો જોરદાર. તમને જ સૂઝે આવું!અદ્ભૂત
આભાર રેખાબેન
ઝાડ ની છાંયડી ની કલ્પના તરોતાજા લાગી છે.
આભાર મિનલબેન
મારા પૂરોગામીઓએ જે લખ્યું તે એકેદમ ઓકે છેજ ધન્યવાદ
આભાર કીર્તિભાઈ.
શુભેચ્છાઓ આધ્યાત્મિક સફર માટે.
આભાર વંદન મેવાડાજી
કેવો સરસ વૃક્ષ પ્રેમ દર્શાવતો ગરબો.
આભાર ગીતાબેન
અપ્રતિમ લતાબેન
આભાર ઉર્વશીબેન
મનભરી માણી મા છાંયડી
આભાર રમેશભાઈ
છાંયડો કે છાંયો તો જાણીતો શબ્દ છે પણ છાંયડીને ગરબામાં ગુંથીને કમાલ કરી બેના, ખૂબ સરસ ગરબો 👌👌👏👏❤️
આભાર સરલાબેન
સરસ ગરબો, સરસ કલ્પના.
આભાર ગીતાબેન