🥀 🥀
*પરદેશમાં*
હક્કાબક્કા થઈ ગયા પરદેશમાં
પાણીછલ્લા થઈ ગયા પરદેશમાં
મુઠ્ઠી અજવાળુંય ખરચાઈ ગયું
ઝાંખાપાંખા થઈ ગયા પરદેશમાં
હોઠ ઉપર હાઈ હલ્લો રહી ગયું
ખાલી હોહા થઈ ગયા પરદેશમાં
વૉગ પાકી સાંભળી હસતા રહ્યા
સાવ નકટા થઈ ગયા પરદેશમાં
ભૂરી ભૂરી આંખો છલકાઈ ગઈ
શેખ પીતા થઈ ગયા પરદેશમાં
આપણો અસ્સલ કલર ઊડી ગયો
દાધારંગા થઈ ગયા પરદેશમાં
હા, વતનમાં આપણે અકબંધ હતા
કટકાકટકા થઈ ગયા પરદેશમાં
વર્ક વુમન વૅધરના ત્રિશંકુ ઉપર
લ્યો, લટકતા થઈ ગયા પરદેશમાં
દેશથી લૅટર્સ જે આવ્યા હતા
પીળચટ્ટા પીળચટ્ટા થઈ ગયા પરદેશમાં
હા, સ્પૅક્ટેટર્સ, બની આવ્યા હતા
ને તમાશા થઈ ગયા પરદેશમાં
ભરબપોરે આંખ આ ખુલ્લી અને
ડ્રીમ જોતા થઈ ગયા પરદેશમાં
કોલ્ડ વૅધરમાં કલમ થીજી ગઈ
હાથ ઘસતા થઈ ગયા પરદેશમાં
~ અદમ ટંકારવી
Vaaaah…… ખુબ સરસ
વિસ્તાર છે ફરી ફરીને માણવાની ગમતી રહે છે. “ચોંપલી ના થા…”દરેકને હસાવે…
સરયૂ પરીખ
વાહ, સરસ ગઝલોનું સંકલન. કવિ ડાયસ્પોરા શાયર તરીકેની ઓળખ આપે એવા શબ્દોનું ચયન છે.