🍀
પ્રકાશિત @ કવિતા @ 6-2023
*ઝળહળનો દેશ*
અંદરના ઓરડે ઊઘડે અજવાસ
અને અંધારા દૂરના દરિયે
આરપાર વહેતી આ આવન ને જાવન લઈ
અઢળકના કાંઠે અવતરિયે….
નરવી આ ધરતી ને નરવું આકાશ,
હવે નરવા તે ગાન ગણગણિયે
કલરવના ઘૂંટ પી, પાંખોના દેશમાં,
થઈને આકાશ ફરફરિયે….
એકાંતો ઉજવતા જળની સંગાથે
લે બેસી જા ટીપાંને તળિયે
મનભાવન ભીનાશો પહેરેલી પળને રે
છાતીમાં સંતાડી દઈએ..
દિશ-દિશના પગરવો પડઘાતા પંડમાં
હરદમ હોંકારામાં ભળિયે
પ્રગટે છે પ્રાણ અને ઊઘડે આનંદ રે
સૂરમાં સહજના સરિએ
આવ ઝળહળના દેશમાં મળિયે…
~ લતા હિરાણી
મારી વાર્તા આપ નીચેની લિન્ક પર વાંચી શકો છો. આભાર.
આહ્વાન અંદરના મોહ્યલાને કે કોઈ અન્યને, પણ ખૂબ સુંદર માર્મિક કાવ્ય છે.
આભારી છું મેવાડાજી
ઝળહળ ના દેશમાં… વાહ વાહ
આભાર લલિતભાઈ
માંહ્યલો અંદર મ્હાલે છે એની વિવિધ રીતે થયેલી અભિવ્યક્તિ ગમી છે.
ગમ્યું મીનલબેન આભાર
મર્મજ્ઞ રચના છે.
આભારી છું ઉમેશભાઈ
ગુજરાતી ગીત કહો કે આજનું ગીત કેવું હોય એવું કોઈ પૂછે તો બેધડક કહી શકાય કે લતાબેનનું” ઝળહળના દેશમાં” ગીત વાંચી જાઓ અને આપના પ્રશ્નનો જવાબ મળી રહેશે.ખૂબ જ સુંદર ગીત ! હાર્દિક અભિનંદન ડિયર લતાબેન !
પ્રફુલ્લ પંડ્યા
આભાર આભાર પ્રફુલ્લભાઈ.
સરસ ગીત લતા બેન
આભાર દર્શકભાઈ
👍🌹🙏 ખૂબ સરસ ગીત.
આભાર સુરેશભાઇ
અગમ્ય ભાવોનું સુરમ્ય ગીત આપણને આત્મજ્યોતિ તરફ સંકેત કરતું સહજ લયમાં વહે છે.
આભાર હરીશભાઈ