*જુદાઈનો રંગ*
આ આપણું મિલન એ જુદાઈનો રંગ છે,
ઝંખ્યો છે જેને ખૂબ – તબાહીનો રંગ છે.
ઘેરો થયો તો ઓર મુલાયમ બની ગયો,
અમૃતમાં જે મિલાવ્યો : ઉદાસીનો રંગ છે.
છેલ્લી ક્ષણોમાં આંખની બદલાતી ઝાંયમાં,
જોઈ શકો તો જો જો, કે સાકીનો રંગ છે.
બદલ્યા કરે છે રંગ ગગન નિત નવા નવા,
આદિથી એ નો એ જ આ ધરતીનો રંગ છે.
કોઈ અકળ ક્ષણે હું મને પણ ભૂલી જતો,
કહેતું’તું કો’ક એમાં ખુદાઈનો રંગ છે.
~ હરીન્દ્ર દવે
👌👌👌👌
બન્ને ગઝલ ઉત્તમ.
વાહ, ખૂબ જ સરસ ગઝલાભિવ્યક્તિ. લતાજી આપનું કાવ્ય ચયન ખૂબ જ સરસ હોય છે.
ગીતના ગાયક એવા હરીન્દ્રભાઈએ ગઝલ પણ સરસ લખી છે આનો આનંદ છે.
સરસ રચનાઓ 👌🏻👌🏻