કદાચ
***
રોપી દઉં
તગતગતી આંખોને
કદા…ચ
દીવા ઊગે…
તાક્યા કરું
શુભ્ર નિરભ્ર આભ
કદા…ચ
હંસો પાંખો ફફડાવે…
શક્યતા
એની તમામ આરત સાથે
ઉતરી આવી છે
હવા પણ
વહેતી લાગે છે
કાળા જાદુને સંગ….
કદા….ચ
તરવરે
સમયની સ્નિગ્ધ પરત પર
કીકીની કમનીય કાયા પર
એક સૂરમય કાવ્ય
સેલ્લારા લેતું …..
~ લતા હિરાણી
પ્રકાશિત @ બુદ્ધિપ્રકાશ @ 6-2024
મારી વાર્તા આપ નીચેની લિન્ક પર વાંચી શકશો. આભાર
આપનું ‘”સૂરમય સેલ્લારા લેતું કાવ્ય” ખૂબ ગમ્યું.
આભાર મેવાડાજી
વાહ ભૈ વાહ. સાવ અલગ રીતે ભાવાભિવ્ક્તિ થઈ છે. બીજી આવી તાજી રચના મળતી રહે એવી અપેક્ષા સહ અભિનંદન.
આભાર મીનલબેન
વાહ ખૂબ સરસ રચના.
આભાર ઉમેશભાઈ
વાહ સુંદર રચના 💐
આભાર શબનમ
કીકી ની કમનીય કાયા….સરસ સરસ
આભાર કીર્તિભાઈ
સેલ્લારા મારતી કવિતા ખૂબ સરસ કંડારી છે .
અભિનંદન લતાબેન.
આભાર પ્રજ્ઞાબેન
વાહહ … આંખો રોપવાની કળા..
મારુ એક ગીત યાદ આવ્યું…👇🏼
નર્યા ટહુકા ફૂટે છે ચારે કોર
સખી, પીંછું વાવ્યું ને ઊગ્યો મોર..
આભાર સુરેન્દ્રભાઈ
અદ્ભુત ભાવસૌંદર્ય લઈ આવેલું કાવ્ય
આભાર હરીશભાઈ
કંઈક અલગ ભાવ વિશ્વમાં લઈ જતું સુંદર કાવ્ય.
આભાર સરલાબેન
વાહ લતાબેન… એક સુંદર અછાંદસ અને અલગ અભિવ્યક્તિ…. અભિનંદન….!
આભાર સુરેશભાઇ