લે, લાવ્યો છું
લે, લાવ્યો છું મારાં સઘળાંયે ગીત
મને બદલામાં આપી દે તારું એક સ્મિત
વાદળની છાંય આપું, અંકાશી ઝાંય આપું
લહેરાતા ઘાસની આપું પથારી
માગે તું, તે જ આપું, દરિયાનો ભેજ આપું
ઊછળતાં મોજાં પર આપું સવારી
હાથોમાં હાથ દે, તારી ૨ગે રગે વહેશે
મારા મનનું સંગીત
ઘૂઘવતો સાદ આપું, ખળખળતી યાદ આપું
વ્હાલપની છલકાતી આપું રે પ્યાલી
ગીતનો ઉપાડ આપું, ગાતો ઉઘાડ આપું
વરસાદી સંધ્યાની આપું રે લાલી
શ્વાસોથી શ્વાસ લે, તારી રોમરાઈ ગણશે
ગમતા લયનું ગણિત
લે, લાવ્યો છું
~ હર્ષદ ચંદારાણા
જન્મદિવસે કવિને સ્મૃતિવંદના
સરસ રચના વાંચીને દિલ તરબતર થાય
બંને રચના પોતપોતાની રીતે સારી છે.
બંને ગીતો ગમ્યાં. કવિ હર્ષદની લય રચના સરસ છે. બીજીમાં તળપદા શબ્દો સરસ રીતે વપરાયા છે. સ્મૃતિ વંદન.