ઉમેશ ઉપાધ્યાય ~ વાદ ના કર * Umesh Upadhyay
રહેવા દે
વાદ ના કર, વિવાદ રહેવા દે;
પ્રેમ ચર્ચાથી બાદ રહેવા દે.
ગમ થકી જિંદગી સલામત છે;
કંટકોમાં ગુલાબ રહેવા દે.
એની તરફેણમાં ચુકાદો છે;
ફોડી દીધો લવાદ, રહેવા દે.
ક્યાં લખી છે ગઝલ એ હેતુથી;
ના મળે છો ને દાદ રહેવા દે.
તોડી નાખ આ કુરિવાજોની દીવાલ;
ખોખલી આ મરજાદ, રહેવા દે.
છેવટે કોણ સાથ આવે છે!
એકલો ફર, વિષાદ રહેવા દે.
~ ઉમેશ ઉપાધ્યાય
ઉમેશ ઉપાધ્યાય ઘણાં વરસોથી ગઝલ ક્ષેત્રે સક્રિય છે. વાદ વિવાદથી શરૂ થતી ગઝલ બીજા શેઅરમાં ગમ-જિન્દગી, કંટક ગુલાબ જેવા વિરોધાભાસી પ્રતીકો દ્વારા જીવનની વાસ્તવિકતાઓને ઉજાગર કરતી આગળ વધે છે અને એકલો જા ને રે નો સંદેશો આપી પૂર્ણ થાય છે. ~ દિનેશ ડોંગરે
ખુબ સરસ ગઝલ
આભાર, બહેનજી, મિત્ર દિનેશનો પણ આભાર 🙏🏻🙏🏻🙏🏻
સ…રસ ગઝલ.
સુંદર ગઝલ. વાહ.
વાહ, ખૂબ સરસ મિત્ર કવિ શ્રી ઉમેશભાઈ
ગઝલ ઘણી ગમી પણ ત્રીજો શેર ‘ફોડી દીધો લવાદ’ એ કંઈ બહું જામતું નથી બાકી ગઝલ સારી બની છે
‘કાવ્યવિશ્વ’ પર પ્રતિભાવ આપનારા સૌ મિત્રોનો આભાર.
મુલાકાત લેનારા સૌ મિત્રોનો પણ આભાર.
એકંદર ગઝલ બરાબર બની છે. અભિનંદન.