સાવ કોરો કાગળ જોઈએ મારે
ને એમાં મારું સ્થાન
ને મારી દિશા
હું જ નક્કી કરું.
લીટીઓ દોરી આપે કોઈ
મારા રસ્તાની
એ વાત મને મૂળે જ અસ્વીકાર્ય
મારા શબ્દોને
કોઈ કહે એમ ખસવાનું
એટલું જ ચડવાનું કે ઉતરવાનું
મને મંજૂર નથી
એક પણ અક્ષર સીધી લીટી જેવો નથી
એક એક અક્ષર નોખો
એક એક માનવી અનોખો
પર્વત, શિખર, નદી, ઝરણાં, તરણાં
ઈશ્વરે એને ક્યાંય લીટીઓથી બાંધ્યા નથી
હું એટલે
મારામાં વહેતું ઝરણું
મારામાં ઉગતું તરણું
ને એમાંથી પ્રગટતા શબ્દો…
~ લતા હિરાણી
પોતાની કવિતા વિશે તો હું શું લખું ? પણ આશ્ચર્ય થાય છે કે મારી વીસ-બાવીસ વર્ષની વયે મને આવું ઊગ્યું હતું ! લખવા માટે લીટીઓવાળી નોટબુકમાં લખવાની મારી ચોખ્ખી ના. લીટીઓ વગરની નોટ જ જોઈએ. સ્કૂલમાં/કોલેજમાં તો ફરજિયાત લીટીઓ સ્વીકારવી જ પડે ! પણ મનની વાતો લખવા માટે લીટીઓ ન પોષાય ! સૌની દલીલ કે આવું ન ચાલે અને જવાબમાં મેં લખી નાખ્યું આ કાવ્ય ! જો કે ત્યારે તો અંગત ડાયરીમાં ઠાલવેલો આ આક્રોશ હતો, જે અક્ષરશ: એમ જ છપાઈને કાવ્ય ગણાયો ‘અખંડ આનંદ’માં લગભગ મારા બેતાલીસમાં વર્ષે…. ચલો, દેર આયે દુરસ્ત આયે…..
કાવ્યસંગ્રહ – 1. ‘ઝળઝળિયાં’ 2. ‘ઝરમર’
27.2.21
જશવંત મહેતા 28-06-2021
આપણી પગદંડી આપણેજ પાડવી જોઈએ,વાત ગમી,સબળ કવિતા છે.અભિનંદન સહ સલામ…
ખ્યાતિ ખારોડ 13-04-2021
હસ્તાક્ષરવાળી રજૂઆત અત્યંત નાવીન્યપૂર્ણ; વળી કવિ સાથે વાચકની નિકટતા સીધી સ્થાપિત થતી હોય, એવું જણાય..
Neesha Nanavaty 13-04-2021
વાહ, લતાબેન !
દિના પંડયા 13-04-2021
વાહ લતાબેન કોરો કાગળ અદભુત અભિવ્યક્તિ અભિનંદન
વારિજ લુહાર 13-04-2021
આજે આપનું કાવ્ય માણવું વધારે ગમ્યું….
Parbatkumar 13-04-2021
ખૂબ સરસ કાર્ય
લતાબેન આપને જન્મદિવસની ખૂબ શુભેચ્છાઓ
Jayshree Patel 13-04-2021
બહુ જ સુંદર કાવ્ય ને તેટલું જ સુંદર ભાવ વિશ્વ
Sudhir bhatt 13-04-2021
Nice
પ્રતિમા 13-04-2021
રચના અને રજુઆત બહુ સરસ
સુરેશચંદ્ર રાવલ 13-04-2021
લતાબેન, કાવ્યવિશ્વમાં આપનું કાવ્ય ખૂબ ગમ્યું…
કોઈ લીટી દોરી આપે અને તે રાહ પર જ ચાલવું શા માટે…?
પોતે જ પોતાની કેડી કરવી અને ચાલવું ભલેને તે પથરાળ અને કંટક વાળો હોય…
કાવ્યનો ભાવ ખૂબ ગમ્યો…
તમારી કવિતા જુદો જ રાહ કંડારે છે તેનો વિશેષ આનંદ છે…!
તમે અન્ય કવિકર્મથી ખૂબ અલગ તરી આવો છો.
આપની કલમને સાદર નમન…!
@@
મારી વાર્તા આપ નીચેની લિન્ક પર વાંચી શકો છો. આભાર.