🔆લતા હિરાણી ~ ડુચ્ચાજી🔆 -

*ડુચ્ચાજી*

હે રખડતા ડુચ્ચાજી
અત્ર તત્ર સર્વત્ર ફરકતી, બળી તમારી ધજા
વશમાં રો’ ને, દ્યો કાં ઘરને, ગયા જનમની સજા !
અણહકનું ભોગવતા આડેધડ તમે ઓ ટુચ્ચા જી
રખડો કાં હે ડુચ્ચાજી !

ઘર મળ્યું આ એક તમોને ! કોણે આપી રજા ?
સુખાસનમાં પગ લંબાવી, તમે કરો છો મજા
આની કોર ઓછું પડિયું તો ઓલી કોરના બુચ્ચાજી !
રખડો કાં હે ડુચ્ચાજી !

શેઠ, તમારા ધંધા-ધાપા, ઘર-ઘરમાં ના ઘાલો
જરા અમારી આંખોને પણ સુખના છાંટા આલો
ખાધ-નફો છે બંને સરખા, જાણું તમને લુચ્ચાજી
રખડો કાં હે ડુચ્ચાજી !

~ લતા હિરાણી

(અસ્તવ્યસ્ત ઘરને જોઈને ગૃહિણી)

હરીશ દાસાણી.મુંબઈ

12/07/2026 at 7:19 am

બહુ જ સરસ.
વાસ્તવિક પણ કાવ્યાનંદ સભર.
ધન્યવાદ.

Pragna vashi
12/07/2026 at 11:13 am

લતાબેનની બન્ને રચના સરસ છે . વાસ્તવિકતાને તાગતી રચના દરેકને વિચારતા કરી મુકે એવી છે.
લતાબેનને ખૂબ ખૂબ અભિનંદન.

Loading...