🔆હર્ષદ ચંદારાણા ~ યાદ કરીને🔆

યાદ કરીને કો’ક વેળાએ ક્યાંક જોયેલા ઘાસને લણું

હાથમાં છે રણ, કેટલા ઢૂવા
આંખના ખાલીખમ છે કૂવા
જીભ તે જાણે તરણું કોરું
ધૂળ પીધેલું આભ છે ઓરું
ધોમ બપોરે માથા ઉપર કેટલા સૂરજ ઊગતા ગણું
યાદ કરીને કો’ક વેળાએ ક્યાંક જોયેલા ઘાસને લણું

ચૂંદડી લીલીચોળ ઓઢીને
ઘાસનું મેદાન ક્યાંય દોડીને
સાંજમાં ડૂબ્યું સાંજ રે ડૂબી
આંખમાં ડૂબ્યું આંખ રે ડૂબી
સાવ ડૂબેલી સાંજના આછા –
સાવ ડૂબેલી આંખના પાછા રેત મથ્થાળે પાળિયા ચણું
યાદ કરીને કો’ક વેળાએ ક્યાંક જોયેલા ઘાસને લણું

~ હર્ષદ ચંદારાણા ((26.6.1947-2024)

🥀દિન વિશેષ : હર્ષદ ચંદારાણા, રણજીત પટેલ ‘અનામી’, ચંદ્ર પરમાર, વ્રજલાલ વઘાસિયા, સિદ્દીક ભરુચી🥀

🙏આપની પસંદના કવિ કોણ છે? ‘Search’માં એમનું નામ લખો! અને વાંચો એમની કવિતાઓ. એમાં આપ પોતે પણ હોઈ શકો.🙏

🙏આપને કવિઓ વિશે જાણવામાં રસ છે? જુઓ વિભાગ ‘સર્જક’.  મોબાઇલના ઉપરના જમણે ખૂણે આવેલી આડી ત્રણ લાઇન ટચ કરો અને ખુલશે વિભાગો.🙏 

આ લીલી વનરાઇ