🔆રાજેન્દ્ર ભટ્ટ ~ વેંતથી દરિયા🔆

*વેંતથી દરિયા મપાય ના*

વેંતથી દરિયા મપાય ના,
મુઠ્ઠીની કેટલી વિસાત એમાં આકાશ આખું સમાય ના,

ઉછળતા મોજાં જોશભેર આવી ને કૈ, વેરણ છેરણ કરે કાંઠે,
ધસમસતા પ્રવાહ ત્યાં રેતનાં મકાન ને, ગાંઠે તો કેમ કરી ગાંઠે,
મોટાં તો વિખેરી નાખે, પણ નાનાએ સામું થવાય ના.

મબલખ અમીરાય હોય પાસ એને, થોડો ઘમંડ તોર હોય ને?
મોટપ ભીતરે ઘૂંટાતી હોય તેનો, નાદ ઘેઘૂર ઘોર હોય ને?
ગરજે ત્રાડે ઈ મોટા કે’વાય, આપણે ચૂંચા કરાય ના.

વેંતથી દરિયા મપાય ના,
મુઠ્ઠીની કેટલી વિસાત એમાં આકાશ આખું સમાય ના.

~ રાજેન્દ્ર ભટ્ટ

એકંદરે કહી શકાય કે કવિની પોતીકી મુદ્રા ઉપસાવતી ભાવપ્રાબલ્યવશ ઉક્તિઓ, ક્યાંક રતિવિલાસની ભિન્ન ભિન્ન ભાવસ્થિતિઓ, ગ્રામતળ ઉક્તિ મરોડ, તળપદી પરંપરા ને બોલચાલના તીણા કાકુઓ ઉપસાવતા લહેકાઓ, મુગ્ધ પ્રણય પ્રગટન, વિસ્મય—ઉન્માદ, નાડી ધબકાર સમી સંચારી ભાવો આધારિત કૌતુકરાગી રંગદર્શી નીરૂપણા આ સંગ્રહની દોમદોમ વિશેષતા છે.
~ જયંત કોરડિયા

રાજેન્દ્ર ભટ્ટ * ઉઘડ્યું સરનામું આંખનું * મીડિયા પબ્લિકેશન 2025

🥀દિન વિશેષ : શૈલેષ પંડ્યા ‘ભીનાશ’, વિકી ત્રિવેદી, ચંદ્રકાંત શાહ, મુકબિલ કુરેશી, પંડિત ઓમકારનાથ ઠાકુર🥀

🙏આપની પસંદના કવિ કોણ છે? ‘Search’માં એમનું નામ લખો! અને વાંચો એમની કવિતાઓ. એમાં આપ પોતે પણ હોઈ શકો.🙏

🙏આપને કવિઓ વિશે જાણવામાં રસ છે? જુઓ વિભાગ ‘સર્જક’.  મોબાઇલના ઉપરના જમણે ખૂણે આવેલી આડી ત્રણ લાઇન ટચ કરો અને ખુલશે વિભાગો.🙏 

કેન્વાસ પર ઉછળતાં મોજાં