🔆લતા હિરાણી ~ નદી મજાની🔆 -

*નદી*

પ્રકાશિત * બાલઆનંદ જાન્યુ. 2026

નદી મજાની ગાતી જાતી
ખળખળ ખળખળ કરતી જાતી
વાદળીઓને ઇચ્છા થાતી
પડછાયો થઈને એ ના’તી

ચકલી ત્યાં ચાંચુંડી બોળે
ભગરી ભેંસો રમતી ખોળે
દાણા લઈ હું વેરું ત્યાં તો
માછલીઓ ઝટ વળતી ટોળે

છબછબિયાં મારે છે કરવા
ખોબે ખોબે પાણી ભરવા
મમ્મી મારી હા પાડે તો
ઝટઝટ જો, હું માંડું તરવા

દોડી જાતી કાં તું ઝટઝટ
નિશાળની ક્યાં તારે ખટપટ
ઘડીક રે’ને મારી પાસે
રમી લઈએ ઝટપટ ઝટપટ

~ લતા હિરાણી 6.3.26

અજવાળાં અજવાળાં

ઉમેશ જોષી

28/06/2026 at 8:31 am

અભિનંદન..

devendra raval

28/06/2026 at 9:11 am

વાહ વાહ… ખૂબ સરસ…🌹🌹🌹

છબીલભાઈ ત્રિવેદી
28/06/2026 at 11:01 am

વાહ ખુબ સરસ નદી મજાની ગાતી જાતી સરસ રચના ખુબ ગમી અભિનંદન

Loading...

Kishor Barot

28/06/2026 at 11:08 am

મજાનું બાળ ગીત

રાજેન્દ્ર ભટ્ટ
28/06/2026 at 11:16 am

સરસ અને સરળ રચના સુંદર નિરૂપણ

Loading...

'સાજ' મેવાડા

28/06/2026 at 6:29 pm

મજાનું બાળ ગીત.

Lalit Trivedi

28/06/2026 at 6:55 pm

સરસ મજાનું

🔆લતા હિરાણી ~ નદી મજાની🔆