🔆હરિવલ્લભ ભાયાણી ~ સર્જક-તર્જક🔆

‘ઇન્સ્ટટ કવિ ત્રેપનમો’

સર્જક તર્જક થઈને ફરે
તર્જક સર્જક થઈને ચરે.

વિવેચક વેચકને ચૂમે
વેચક વિવેચકને જમે.

એકનું થાપ્યું બીજો હણે
‘તું નહીં’, ‘તે નહીં’ હું હણહણે.

સખા! એહ અંધારે કૂવે
કૂટવા ઝઘડા જીવતા જીવે.

વિવેચન વિરેચન જાણ
વેરી—વધેરક કલમ—કૃપાણ.

પામરને આની કશી પ્રીછ?
એકોડહં પણ મોં દશવીશ.

‘છે કો જલમ્યો સમજે કુછ?’
વળ દ્યો—છો ચોડેલી મૂછ.

બાવનના બસ ખડકો ગંજ
લખે તે જ વાંચે — શો રંજ?

એકવીશમીનું એ અદ્વૈત
કોશિયા—બોચિયાની કશી ગત્ય?

બાવનનો બઢિયો વેપલો
અખે લૂંટીઝૂંટી ભર્યો ટોપલો.

~ હરિવલ્લભ ભાયાણી ‘વેપલા-વ્યંગ’ (26.5.1917 – 11.11.2000)

આંતરરાષ્ટ્રીય ખ્યાતિપ્રાપ્ત ભાષાશાસ્ત્રી, વિવેચક. અનેક કૃતિઓના અનુવાદક. ઉપનામે એમણે ‘વિડંબિકા’ઓ લખી. અને આમ કટાક્ષકાવ્યો કર્યાં.

🌸દિન વિશેષ: ડો. હરિવલ્લભ ભાયાણી🌸

🙏આપને ગઝલ, ગીત, અછાંદસ વગેરે કાવ્યસ્વરૂપો વિશે જાણવામાં રસ છે? જુઓ વિભાગ ‘સ્વરૂપ’. મોબાઇલના ઉપરના જમણે ખૂણે આવેલી આડી ત્રણ લાઇન ટચ કરો અને ખુલશે વિભાગો. 🙏 

🙏આપની પસંદના કવિ કોણ છે? ‘Search’માં એમનું નામ લખો! અને વાંચો એમની કવિતાઓ. એમાં આપ પોતે પણ હોઈ શકો.🙏

બાળકમાં શિસ્ત અને નિયમપાલન