🔆કમલ વોરા ~ બાળપણમાં🔆

બાળપણમાં સાતતાળી રમતાં

કોઈ સાતમી તાળી આપ્યા વિના

દોડી જાય

એમ તમે

આ કઈ દ્વિધામાં મૂકી ગયા મને?

કોઈ પંખીનો વેરાયેલો સ્વર તમે આંગળીઓને અડકી

લોહીમાં વહેતો મૂકી દીધો

એમાંથી પડઘાતા ગીતોના ટહુકાઓ હવે

દિશાહીન પવનની જેમ રખડ્યા કરે છે

પીંછાના હૂંફાળા જંગલની શોધમાં…

પર્ણો જેમ ખરી ન શકતા વૃક્ષ જેવો હું

હજુ પણ વિચારું છું.

સાવ એ ક જ તાળીનું અંતર આપણી વચ્ચે…

~ કમલ વોરા

પ્રિય પાત્રનું અચાનક ચાલ્યા જવું… અસહ્ય દુખ છે.   

લોહીમાં વિરહનો સ્વર ગૂંજ્યા કરે છે…..

પર્ણની જેમ ખરી શકાતું નથી, ઈચ્છવા છતાં…..

અને આ જરા-સા અંતર માટે ઝૂર્યા કરવાનું બચે છે જીવનમાં…..

@@

🌸દિન વિશેષ : નયના જાની, દિવ્યા મોદી, સતીશ વ્યાસ, વિરલ દેસાઈ🌸

🙏આપને ગઝલ, ગીત, અછાંદસ વગેરે કાવ્યસ્વરૂપો વિશે જાણવામાં રસ છે? જુઓ વિભાગ ‘સ્વરૂપ’. મોબાઇલના ઉપરના જમણે ખૂણે આવેલી આડી ત્રણ લાઇન ટચ કરો અને ખુલશે વિભાગો. 🙏  

🙏આપની પસંદના કવિ કોણ છે? ‘Search’માં એમનું નામ લખો! અને વાંચો એમની કવિતાઓ. એમાં આપ પોતે પણ હોઈ શકો.🙏

ઊભા રે’જો