🔆લતા હિરાણી ~ મુન્નો મોટો અડૂકિયો🔆

મુન્નો મોટો અડૂકિયો ને દડૂકિયો છે પાજી
બેય મળીને બબાલ કરતાં, કોઈ ન થાતું કાજી
શ્રાવણ ગાજે, પીલૂ પાકે, ભેંસ ખાતી ભાજી
બોલો તાક્ધીનાધીન, તાક્ધીનાધીન, તાક્ધીનાધીન હાજી  ……….

ચોપડીઓ નોટોના ઢગલા, દફતર છે કે બોરી
સુપરમેનની રાડ પડે, આ મણકા નાખે તોડી
હોય બિલાડી જાડી તોયે કેમ ન છોડે સાડી ?
બોલો તાક્ધીનાધીન, તાક્ધીનાધીન, તાક્ધીનાધીન હાજી………. 

ટ્યુશનસ્કૂલે તમે જ જાજો, મમ્મી લેસન કરતી
ખબર પડે કે કેવા મગ ને કેવી ખીચડી ચડતી !
એકડો રહેશે સળેખડો ને બગડો જાશે  ભાગી
બોલો તાક્ધીનાધીન, તાક્ધીનાધીન, તાક્ધીનાધીન હાજી…..

લવલી લાગે સ્માર્ટફોન ને લવલી 4 ને 5G
તોયે કાં આ મમ્મીપપ્પા જાય ન રીઝી રીઝી
છેલ-છબો ને છકો-મકો તો થઈ જાય રાજી રાજી 
બોલો તાક્ધીનાધીન, તાક્ધીનાધીન, તાક્ધીનાધીન હાજી. …..

અડૂક *બીવર, દડૂક ભાગે, ઉંદર સાથે સહી જી
મોટા મોટા દાંતો ઉપર નદીઓ આખી વહી જી
હું ને મંથન કાતરિયામાં પેઠા, નાઠા, ભઈ જી
બોલો તાક્ધીનાધીન તાક્ધીનાધીન તાક્ધીનાધીન હાજી ….

~ લતા હિરાણી

*બીવર – અમેરીકામાં થતું ઉંદર જેવું પ્રાણી, જે દાંતથી આખેઆખા ઝાડને કોતરી પાડી દે. અને એના નદીઓ પર પૂલ બનાવે  

તાકધિનાધીન (બાળ-કિશોર નાટક) માંથી * લતા હિરાણી * ગુર્જર 2025

સંપાદનમાં સમાવિષ્ટ – આજના શ્રેષ્ઠ બાળકાવ્યો (સંપાદકો : સાં.જે.પટેલ, મણિલાલ શ્રીમાળી, કિરીટ દવે * રન્નાદે પ્રકાશન 2024)

🙏 કવિઓના જન્મદિવસોનો વિભાગ ‘વિશેષ’ જોવા માટે મોબાઇલના સૌથી ઉપરના ભાગે જમણી બાજુ ત્રણ આડી લીટી દેખાશે એને ટચ કરતાં બધા વિભાગો જોવા મળશે. જે વિભાગ જોવો હોય એને ટચ કરો.🙏

🙏આપની પસંદના કવિ કોણ છે? ‘Search’માં એમનું નામ લખો! અને વાંચો એમની કવિતાઓ. એમાં આપ પોતે પણ હોઈ શકો.🙏

🙏કાવ્યવિશ્વ’માં કવિના નામથી, કાવ્યની પ્રથમ પંક્તિથી અને વિષયથી કાવ્ય કે લેખ શોધી શકાય છે જુઓ search🙏

🙏‘કાવ્યવિશ્વ’ના વોટ્સ એપ ગ્રૂપમાં આપ જોડાઈ શકો છો.🙏

ગુનગુના રહે હૈ ભંવરે