🔆નિનાદ અધ્યારૂ ~ યાદ એની🔆

યાદ એની યાદ જેવી યાદ નહિ,
દોસ્તોની દાદ જેવી દાદ નહિ.

એ કરે આબાદ તો આબાદ, પણ-
એ કરે નહિ તો અમે બરબાદ નહિ.

તું કહે તો વાદળો પાછાં ફરે,
તું કહે તો આજથી વરસાદ નહિ !

જ્યાં સુધી પંખી પૂરાયેલું હશે,
ત્યાં સુધી આ પિંજરું આઝાદ નહિ !

આ ગઝલને દાદ તારી ના મળે,
નામ મારું તો પછી ‘નિનાદ’ નહિ.

~ નિનાદ અધ્યારૂ

મજા પડી જાય એવી ખુમારી. દમદાર ગઝલ.
સંબંધ ખરો પણ એની ગુલામી નહીં. આઝાદી તો ચાહીએ ભઈ !

**

🌸આજે જન્મદિન: દેવાંગી ભટ્ટ, વિપુલ માંગરોળિયા ‘વેદાંત’, મહેશ દાવડકર, હસિત બૂચ🌸

🙏 આપનો જન્મદિન (વિભાગ વિશેષ) પણ ‘કાવ્યવિશ્વ’માં સમાવિષ્ટ છે. આપનું નામ લખો, ‘search’ માં, પોસ્ટ હાજર!🙏

🙏’કાવ્યવિશ્વ’માં મનપસંદ કવિની કવિતા મળી શકે છે, કવિનું નામ લખો ‘search’ માં, પોસ્ટ હાજર! 🙏

આપને આ વાંચવું ગમશે.

ટાઈમટેબલનો તરખાટ (હાસ્ય)